DA Hike News : महाराष्ट्र राज्य सरकारी कर्मचाऱ्यांना पुन्हा एकदा महागाई भत्ता वाढीचा लाभ मिळणार आहे. राज्य सरकारी कर्मचाऱ्यांचा महागाई भत्ता लवकरच 58% होणार अशी माहिती समोर येत आहे. सध्या राज्य सरकारी कर्मचाऱ्यांचा महागाई भत्ता 55% इतका असून यामध्ये आणखी तीन टक्क्यांची वाढ होणे अपेक्षित आहे. अर्थातच राज्य सरकारी कर्मचाऱ्यांचा महागाई भत्ता 55% वरून 58% एवढा होणार आहे.
खरंतर केंद्रीय सरकारी कर्मचाऱ्यांचा महागाई भत्ता दिवाळी आधी 55 टक्क्यांवरून 58% करण्यात आला. महत्त्वाची बाब म्हणजे ही वाढ जुलै 2025 पासून लागू झाली. यानुसार देशभरातील विविध राज्यांमधील राज्य सरकारी कर्मचाऱ्यांचा महागाई भत्ता केंद्रीय कर्मचाऱ्यांच्या धरतीवर 58% करण्यात आला. मात्र अद्याप राज्य सरकारी कर्मचाऱ्यांचा महागाई भत्ता वाढलेला नाही.
स्थानिक स्वराज्य संस्थांच्या निवडणुकांच्या आचारसंहितांमुळे महागाई भत्ता वाढीचा निर्णय लांबणीवर पडत असल्याचा दावा केला जातोय. खरे तर राज्य कर्मचाऱ्यांना दिवाळीच्या आधीच महागाई भत्ता वाढीचा लाभ मिळणे अपेक्षित होते. मीडिया रिपोर्ट मध्ये तसा दावा सुद्धा करण्यात आला होता मात्र शासनाने राज्य सरकारी कर्मचाऱ्यांचा महागाई भत्ता वाढीचा निर्णय लांबणीवर टाकला आणि आता स्थानिक स्वराज्य संस्थांच्या आचारसंहितांमुळे हा निर्णय येत्या काळात सुद्धा लांबणीवर पडणार की काय अशी शक्यता वर्तवली जात आहे. दरम्यान आता राज्य कर्मचाऱ्यांचा महागाई भत्ता नेमका कधी वाढणार या संदर्भात नवीन अपडेट समोर आली आहे.
केव्हा वाढणार DA ?
मिळालेल्या माहितीनुसार, महापालिका निवडणुकांचा निकाल जाहीर झाला की लगेचच राज्य सरकारी कर्मचाऱ्यांच्या महागाई भत्ता वाढीबाबतचा निर्णय होऊ शकतो. महापालिका निवडणुका 15 जानेवारी 2026 रोजी होणार आहेत आणि याचा निकाल 16 जानेवारीला जाहीर होईल. म्हणजेच राज्य सरकारी कर्मचाऱ्यांचा तीन टक्के डीए वाढीचा निर्णय 16 जानेवारी नंतर कधीही होऊ शकतो.
रिपोर्टनुसार जानेवारी महिन्यात डीए वाढीचा अधिकृत शासन निर्णय जारी होईल आणि याचा प्रत्यक्ष लाभ जानेवारी महिन्याच्या पगारासोबत म्हणजेच फेब्रुवारी महिन्यात कर्मचाऱ्यांच्या हातात जो पगार येईल त्या पगारांसोबत मिळणार आहे. दरम्यान राज्य कर्मचाऱ्यांना देखील केंद्रीय कर्मचाऱ्यांच्या धर्तीवर जुलै महिन्यापासून महागाई भत्ता वाढ लागू राहणार असल्याने राज्य कर्मचाऱ्यांना महागाई भत्ता फरकाची सुद्धा भेट मिळणार आहे.
जुलै ते डिसेंबर या कालावधी मधील महागाई भत्ता फरकाची रक्कम राज्य कर्मचाऱ्यांच्या खात्यात वितरित होणार आहे. पण अद्याप महागाई भत्ता वाढीचा जीआर नेमका कधी निघणार याची अधिकृत तारीख सरकारकडून जाहीर करण्यात आलेली नाही. यामुळे सरकार महागाई भत्ता वाढीचा निर्णय खरंच जानेवारी महिन्यात घेते का हे पाहणे उत्सुकतेचे राहणार आहे.