अहमदनगर Live24 टीम, 03 डिसेंबर 2021 :- कोरोनाच्या ओमिओक्रॉन विषाणूच्या पार्श्वभूमीवर प्रतिबंधात्मक उपाययोजनांतर्गत शासनाने नुकतीच काढलेली अधिसूचना व्यापाऱ्यांसह नागरिकांसाठी त्रासदायक ठरत असून,
सदरची अधिसूचना तात्काळ मागे घ्यावी अन्यथा आंदोलन उभे करण्याचा इशारा व्यापारी संघटनेने दिला आहे. निवेदनात म्हटले आहे की, दक्षिण आफ्रिकेतील ओमिक्रॉन नावाचा नवीन विषाणूचा मुकाबला करण्यासाठी, महाराष्ट्र सरकार आणि केंद्र सरकार लोकांना वाचवण्यासाठी आधीपासून खबरदारी घेत आहेत.
परंतु अधिसूचनांमधील अटी अव्यावहारिक आहेत आणि त्यात काही सुधारणा आवश्यक आहेत. जो काही निर्णय घेत आहात ते लोकांच्या हिताचे आहेत यात शंका नाही पण ते महाराष्ट्रातील जनतेला त्रासदायक ठरू नयेत. या नियमावलीत काही सुधारणा अपेक्षित आहेत.
कोविडसाठी मास्कसह नियमांचे पालन न करणाऱ्या कोणत्याही आस्थापना आणि संस्थेसाठी रु.५० हजार रुपये आणि ग्राहकांनी मास्क न घातल्यास दुकानांसाठी १० हजार रुपये दंड आहे. हा दंड खूप जास्त आहे आणि भ्रष्टाचाराला कारणीभूत ठरतील. दुकान सील करण्याची जी अट आहे त्यामुळे दबावतंत्र होऊ शकते.
एकाने नियम तोडावे व दुसऱ्याला दंड करणे असे घटनेमध्ये कोठेही लिहिलं नाही. मास्कसाठी लागणारा कोणताही दंड ताबडतोब रद्द करा. संपूर्ण दुकाने आणि आस्थापना कोविडमुळे मोठ्या आर्थिक संकटात आहेत. पैसे नसतानाही लॉकडाऊनमध्ये आमचे सर्व दायित्व भरले.
आम्ही शासनाकडून सहानुभूती आणि मदतीची अपेक्षा करतो. सर्व वस्तूंच्या किमती लोकांच्या खर्च करण्याच्या क्षमतेपेक्षा खूप वाढल्या आहेत. जर तुम्ही मोठा दंड ठोठावला तर त्याचा गरीब लोकांवर आणि दुकानदारांवर मोठा बोजा येईल.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
