7th Pay Commission : जर तुम्हीही केंद्रीय कर्मचारी असाल तर तुमच्यासाठी एक खुशखबर आहे. कारण मोदी सरकार या महिन्याच्या शेवटी एक नाही तर दोन भक्कम भेटवस्तू देणार आहे.
दरम्यान, महागाई भत्त्यात वाढ झाल्यामुळे डीएच्या थकबाकीचे पैसेही खात्यात जमा होऊ शकतील, असे मानले जात आहे. जानेवारीअखेर ही रक्कम केंद्रीय कर्मचाऱ्यांच्या खात्यात जमा होऊ शकते, अशी चर्चा जोरात सुरू आहे. त्यामुळे कर्मचाऱ्यांना दुहेरी फायदा होणार आहे.
सरकारने याबाबत अधिकृत घोषणा केलेली नाही, मात्र सर्वच मीडिया रिपोर्ट्समध्ये हा मोठा दावा केला जात आहे. याचे कारण म्हणजे डीए वाढवून पैसे जमा करावेत, अशी मागणी कर्मचार्‍यांच्या संघटना अनेक दिवसांपासून करत आहेत, ती मंजूर मानली जात आहे.
एवढ्या टक्क्यांनी महागाई भत्ता वाढवला जाणार
मोदी सरकार लवकरच केंद्रीय कर्मचारी आणि पेन्शनधारकांच्या डीएमध्ये सुमारे 4 टक्के वाढ करणार आहे, त्यामुळे पगारात वाढ होणार असल्याचे मानले जात आहे. 4 टक्क्यांनी महागाई भत्ता वाढल्यानंतर तो 42 टक्के होईल. केंद्रीय कर्मचार्‍यांना सध्या 38 टक्के डीएचा लाभ मिळत आहे, त्यामुळे सर्वजण आनंदी दिसत आहेत.
काही सरकारी अहवालानुसार, जानेवारीच्या शेवटच्या आठवड्यात डीए वाढवण्याचा निर्णय घेतला जाऊ शकतो, असे मानले जात आहे. सुमारे 1.25 कोटी कर्मचारी आणि पेन्शनधारकांना याचा लाभ मिळणार आहे.
याआधीही डीएमध्ये 4 टक्के वाढ करण्यात आली होती, जी वाढ झाल्यानंतर 38 टक्के झाली आहे. केंद्र सरकार आपल्या कर्मचार्‍यांचा आणि पेन्शनधारकांचा डीए वर्षातून दोनदा वाढवते, ज्याचे दर जुलै आणि जानेवारीपासून लागू मानले जातात.
डीए थकबाकीचे पैसेही खात्यात येणार
मोदी सरकारने केंद्रीय कर्मचारी आणि पेन्शनधारकांना 18 महिन्यांची डीएची थकबाकी दिली नाही. याचे कारण सरकारने कोरोना संसर्ग असल्याचे सांगितले. तेव्हापासून केंद्रीय कर्मचाऱ्यांच्या संघटना सातत्याने डीएची थकबाकी खात्यात टाकण्याची मागणी करत आहेत, त्यावर सरकारने कोणताही अधिकृत निर्णय घेतलेला नाही.
फिटमेंट फॅक्टरमध्येही वाढ होईल
मोदी सरकार केंद्रीय कर्मचाऱ्यांना आणखी एक मोठा फायदा देणार आहे, त्याचीही चर्चा जोरात सुरू आहे. फिटमेंट फॅक्टरमध्ये मोठी वाढ सरकारकडून केली जाऊ शकते, असा विश्वास आहे.
फिटमेंट फॅक्टर वाढल्यास मूळ पगारात वाढ निश्चित असल्याचे मानले जात असून, त्याची चर्चा जोरात सुरू आहे. सरकार कोणत्याही दिवशी ही घोषणा करू शकते, असे मानले जात आहे.
