Apply for Business Loans : जर तुम्ही नवीन वर्षात स्वतःचा व्यवसाय सुरु करण्याचा विचार करत असाल तर ही बातमी तुमच्यासाठीच आहे. स्वतःचा व्यवसाय सुरु करायचा म्हटलं तर प्रथम लागते ते म्हणजे भांडवल, याशिवाय कोणताही वव्यवसाय सुरु होत नाही. लोकं भांडवल वेगवगेळ्या प्रकारे जमा करतात, काही जण प्रॉपर्टी गहाण ठेवून पैसे घेतात, तर काहीजण घरातील सोने विकून पैशांची सोय करतात.
अशातच जर तुम्हालाही तुमचा व्यवसाय सुरु करण्यसाठी भांडवल हवे असेल, तर स्टेट बँक ऑफ इंडिया (एसबीआय) तुम्हाला यासाठी मदत करत आहे. होय, स्मॉल स्केल मॅन्युफॅक्चरिंग किंवा व्यापार आणि सेवा व्यवसायाच्या खेळत्या भांडवलाच्या आवश्यकतेसाठी, तुम्ही SBI च्या SME स्मार्ट स्कोअर कर्ज सुविधेअंतर्गत 50 लाख रुपयांपर्यंतचे कर्ज सहज घेऊ शकता. चला या बद्दल सविस्तर माहिती जाणून घेऊया…
कर्ज कोणाला मिळेल?
SBI वेबसाइटवर उपलब्ध माहितीनुसार, SME स्मार्ट स्कोअर ही कॅश क्रेडिट/टर्म लोन सुविधा आहे. MSME क्षेत्रातील SSI, C&I आणि SBF विभागांतर्गत कोणतीही सार्वजनिक/खाजगी लिमिटेड कंपनी, भागीदारी फर्म किंवा ट्रेडिंग आणि सेवा क्षेत्र या कर्ज सुविधेसाठी अर्ज करू शकतात. हे कर्ज खेळत्या भांडवलाच्या गरजांसाठी किंवा स्थिर मालमत्ता खरेदी करण्यासाठी उपलब्ध आहे.
किती कर्ज मिळू शकते?
SME स्मार्ट स्कोअर अंतर्गत, उत्पादन, व्यापार आणि सेवा युनिट्सना किमान 10 लाख रुपये आणि कमाल 50 लाख रुपये कर्ज मिळू शकते. यामध्ये मार्जिन हे खेळत्या भांडवलाच्या 20 टक्के आणि मुदत कर्जाच्या 33 टक्के आहे.
कर्जाची किंमत आणि संपार्श्विक सिक्युरिटीज –
SBI स्पर्धात्मक किंमतींवर SME कर्ज प्रदान करेल, जे बँकेच्या EBLR शी जोडलेले आहे. फी आणि चार्जेसबद्दल बोलायचे तर ते कर्जाच्या रकमेच्या 0.40 टक्के आहे. यामध्ये कोणतीही संपार्श्विक सुरक्षा द्यावी लागणार नाही. सर्व कर्जे सूक्ष्म आणि लघु उद्योगांसाठी क्रेडिट गॅरंटी फंड ट्रस्ट फंड (CGTMSE) अंतर्गत समाविष्ट आहेत. यामध्ये हमी शुल्क कर्जदाराला भरावे लागते.
कर्ज परतफेडीचा कालावधी किती?
एसबीआयच्या वेबसाइटनुसार, दर दोन वर्षांनी कॅश क्रेडिट कर्जाचे पुनरावलोकन केले जाईल. यासोबतच व्यावसायिक कामगिरीचा वार्षिक आढावाही घेतला जाणार आहे. तर, मुदत कर्ज/ड्रॉलाइन ओडीसाठी परतफेडीचा कालावधी 7 वर्षांपेक्षा जास्त नसेल. यानंतर, तुम्हाला 6 महिन्यांची स्थगिती मिळू शकते. सर्व कर्जांचे वार्षिक आधारावर पुनरावलोकन केले जाईल.
कर्ज पात्रता ?
मुख्य प्रवर्तक/मुख्य कार्यकारी SME स्मार्ट स्कोअर कर्जासाठी अर्ज करू शकतात. त्यांचे वय 18 ते 65 वर्षे दरम्यान असावे.
