Appolo Micro System Share:- २९ जानेवारी रोजी बीएसईवर झालेल्या इंट्राडे ट्रेडमध्ये अपोलो मायक्रो सिस्टम्स या छोट्या कॅप डिफेन्स स्टॉकने जवळपास ६ टक्क्यांनी वाढ केली. कंपनीच्या शेअर्सने १२५.८० रुपयांच्या उच्चांकी किमतीवर पोहोचले.यामागे कंपनीला मिळालेली एक महत्त्वाची ऑर्डर कारणीभूत ठरली आहे.
कंपनीला संरक्षण संशोधन आणि विकास संघटनेकडून ७.३७ कोटींची मोठी ऑर्डर मिळाली आहे. २८ जानेवारी रोजी पोस्ट-मार्केट एक्सचेंज फाइलिंगमध्ये अपोलो मायक्रो सिस्टम्सने ही घोषणा केली की,
त्यांनी सर्वात कमी बोली लावणारा म्हणून डीआरडीओ कडून या ऑर्डरची मंजुरी मिळवली आहे. L1 म्हणजे कंपनीने इतर प्रतिस्पर्ध्यांना मागे टाकत सर्वात फायदेशीर बोली दिली आणि त्यामुळे तिला ऑर्डर मिळवण्यास यश आले.
कंपनीला मिळालेली ऑर्डर कोणती?
अपोलो मायक्रो सिस्टम्सच्या फाइलिंगमध्ये आणखी एक महत्वाची माहिती देण्यात आली की,कंपनीला डिफेन्स सेक्टर आणि अन्य सुरक्षा पुरवठादारांकडून सतत ऑर्डर्स मिळत आहेत. यापूर्वी २२ नोव्हेंबर रोजी कंपनीने डीआरडीओ आणि अदानी यांच्याकडून ४.६५ कोटींची ऑर्डर मिळवली होती.
त्यानंतर डिसेंबर २०२४ मध्ये कंपनीने आणखी एक मोठा २१.४२ कोटींचा ऑर्डर भारत इलेक्ट्रॉनिक्स लिमिटेड आणि एका खाजगी कंपनीकडून जाहीर केला. या ऑर्डर्समुळे कंपनीच्या भविष्यातील वाढीला चालना मिळण्याची आशा आहे.
शेअर बाजारातील कामगिरी
अपोलो मायक्रो सिस्टम्स च्या शेअर्सच्या किमतीत गेल्या काही महिन्यांत चढ-उतार पाहायला मिळाले आहेत. गेल्या वर्षी ऑक्टोबर २३ रोजी कंपनीच्या शेअर्सची किंमत ८८.१० वर गेली होती. जी ५२ आठवड्यांची नीचांकी पातळी होती.
मात्र, २१ जानेवारी २०२४ रोजी या शेअर्सने १५७ पर्यंत चढाई केली.जो एक नवा उच्चांक होता.जानेवारी महिन्यात अपोलो मायक्रो सिस्टम्सच्या शेअर्सने सुमारे ७ टक्क्यांनी वाढ केली आहे.तर डिसेंबर २०२४ मध्ये या शेअर्समध्ये १५ टक्क्यांची वाढ झाली होती. या वाढीचे मुख्य कारण म्हणजे कंपनीला मिळालेल्या ऑर्डर आहेत.
कशी आहे कंपनीची शेअरहोल्डिंग?
अपोलो मायक्रो सिस्टम्सच्या शेअरहोल्डिंग बघितले तर प्रवर्तकांचा हिस्सा ५५.१२% आहे, जो कंपनीचे मोठे नियंत्रण दर्शवतो. तर बिगर-संस्थात्मक गुंतवणूकदारांचा ४३.२८% हिस्सा आहे, जो तीव्र प्रतिस्पर्धकांच्या हिशोबात गुंतवणूकदारांची मोठी संख्या दर्शवतो. उर्वरित शेअर्स एफआयआय आणि विमा कंपन्यांकडे आहेत.
