Bank Account News : तुमचेही बँकेत अकाउंट असेल तर आजची बातमी तुमच्या कामाची ठरणार आहे. खरंतर बँक ग्राहकांसाठी बँकेकडून वेगवेगळ्या सुविधा उपलब्ध करून दिल्या जात आहेत. दरम्यान आज आपण बँकेकडून उपलब्ध करून दिल्या जाणाऱ्या अशाच एका महत्त्वाच्या सुविधा बाबत माहिती पाहणार आहोत.
अनेकदा आपल्या खात्यात पैसे नसतात पण अचानक पैशांची गरज भासते अशावेळी आपण आपल्या मित्रांकडून किंवा आप्तेष्टांकडून उसनवारीने पैसे घेतो. पण आता तुम्हाला गरजेच्या वेळी उसनवारीने पैसे घेण्याची गरज राहणार नाही.
कारण की बँक तुम्हाला खात्यात पैसे नसतानाही पैसे देणार आहे. कदाचित तुमचा यावर विश्वास बसणार नाही पण तुमच्या बँक अकाउंट मध्ये शून्य रुपये असला तरीही तुम्ही दहा हजार रुपयांपर्यंतची रक्कम काढू शकता.
आता हे कस शक्य आहे तर ही सुविधा काही निवडक ग्राहकांना लागू आहे. प्रधानमंत्री जनधन योजनेअंतर्गत झिरो बॅलन्स मध्ये ज्या लोकांनी अकाउंट ओपन केलेले आहेत त्यांना या योजनेचा लाभ मिळतोय.
जनधन योजनेत अकाउंट ओपन केलेल्या सर्वसामान्य ग्राहकांसाठी नक्कीच ही सुविधा वरदान ठरत आहे. या सुविधेमुळे बँकेत पैसे नसले तरीसुद्धा ग्राहकांना दहा हजार रुपये काढता येऊ शकतात आणि म्हणूनच ही सुविधा सर्वसामान्यांमध्ये लोकप्रिय बनत चालली आहे.
जेव्हा अचानक पैशांची गरज भासते तेव्हा ही सुविधा फारच कामाची ठरते. जनधन खातेधारकांसाठी सुरू झालेली ही सुविधा ओव्हरड्राफ्ट या नावाने ओळखली जाते. ओव्हरड्राफ्ट हा एक कर्जाचा प्रकार आहे.
मात्र अशा प्रकारचे कर्ज काढण्यासाठी ग्राहकांना कोणत्याच कागदपत्र द्यावे लागत नाही. एकदा तुमच्या खात्यासाठी ओवरड्राफ्ट सुविधा सुरू झाली की तुम्ही पैसे नसतानाही 10 हजार रुपयांपर्यंतची रक्कम काढू शकता.
मात्र या सुविधेचा लाभ फक्त जनधन योजनेच्या ग्राहकांना मिळतो ही गोष्ट लक्षात घ्या. विशेष म्हणजे जनधन योजनेच्या ग्राहकांना दिल्या जाणाऱ्या रुपये डेबिट कार्ड वर म्हणजेच एटीएम कार्ड वर दोन लाख रुपयांपर्यंतचा अपघात विमा सुद्धा दिला जातो.
दरम्यान जर तुम्हाला जनधन योजनेच्या अकाउंट साठी ओव्हरड्राफ्ट सुविधा सुरू करायची असेल तर याकरिता तुम्हाला बँकेत जाऊन एक साधा अर्ज करावा लागणार आहे. मात्र, तुमचा बँकेतील व्यवहार चांगला असेल तेव्हाच बँक या सुविधेला मान्यता देईल.
ओवरड्राफ्ट सुविधेच्या माध्यमातून तुम्हाला दहा हजार रुपयांपर्यंतचे बँकेकडून तात्काळ कर्ज दिले जाते. दरम्यान हे कर्ज जेव्हा तुमच्या बँक अकाउंट मध्ये पैसे जमा होतात तेव्हा परत करावे लागते. यासाठी तुम्हाला बँकेला काही व्याज सुद्धा द्यावे लागते.
