Bonus Share News : शेअर मार्केट गुंतवणूकदारांसाठी कमाईची एक सुवर्णसंधी उपलब्ध झाली आहे. खरे तर गेल्या काही दिवसांपासून शेअर मार्केटमध्ये लिस्टेड कंपन्या आपल्या गुंतवणूकदारांना लाभांश आणि बोनस शेअरची भेट देत आहेत.
दरम्यान गुंतवणूकदारांना करोडपती बनवणाऱ्या एका कंपनीने आता बोनस शेअर्स देण्याची मोठी घोषणा केली आहे. यामुळे जर तुम्हीही बोनस शेअर्स देणाऱ्या कंपनीमध्ये गुंतवणूक करू इच्छित असाल तर नक्कीच ही बातमी तुमच्यासाठी कामाची ठरणार आहे.
Authum Investment & Infrastructure Ltd या कंपनीने आपल्या गुंतवणूकदारांना चार मोफत शेअर देण्याचा निर्णय घेतला आहे. कंपनीच्या संचालक मंडळाने 4:1 बोनस शेअर जारी करण्यास मंजुरी देण्याचा एक महत्वाचा निर्णय घेतला आहे.
यामुळे, या कंपनीचे स्टॉक पुन्हा एकदा फोकस मध्ये आले आहेत. सध्या कंपनीच्या या घोषणेची गुंतवणूकदारांमध्ये जोरदार चर्चा सुरू आहे. महत्त्वाची बाब म्हणजे बोनस शेअर्स देण्यासोबतच या कंपनीने आपल्या गुंतवणूकदारांना आकर्षित करण्यासाठी तसेच अधिकृत भागभांडवल वाढवण्यासही संमती देण्याचा निर्णय घेतला आहे.
कंपनीच्या संचालक मंडळाकडून प्राप्त माहितीनुसार, हे बोनस शेअर्स कंपनीच्या राखीव निधीतून दिले जाणार आहेत. दरम्यान नियामक व भागधारकांची मंजूरी मिळाल्यावर, जानेवारी 2026 च्या अखेरीस Bonus Share खात्यात जमा होण्याची अपेक्षा व्यक्त करण्यात आली आहे.
कंपनीने बोनस शेअर्स देण्याची घोषणा केली आहे, मात्र यासाठीची रेकॉर्ड तारीख अजूनही जाहीर करण्यात आलेले नाही. यामुळे गुंतवणूकदारांच्या माध्यमातून याची रेकॉर्ड तारीख कधी जाहीर होणार असा सवाल उपस्थित केला जातोय.
बोनस शेअरबाबत महत्त्वाचे तपशील संचालक मंडळाने नुकतेच दिले आहे. यानुसार कंपनी आपल्या पात्र भागधारकांना त्यांच्याकडे असलेल्या प्रत्येक 1 रुपये दर्शनी मूल्याच्या इक्विटी शेअरमागे 4 नवीन इक्विटी शेअर्स जारी करणार आहे. ज्यामुळे एकूण शेअरची संख्या 5 पट वाढणार आहे.
हे बोनस शेअर्स गुंतवणूकदारांकडून कोणत्याही रोख रकमेची आवश्यकता न ठेवता, 30 सप्टेंबर 2025 पर्यंतच्या मुक्त राखीव निधीतून, सिक्युरिटीज प्रीमियम आणि/किंवा कॅपिटल रिडम्प्शन रिझर्व्हमधून जारी केले जाणार अशी माहिती संचालक मंडळाकडून देण्यात आली आहे.
दरम्यान या प्रस्तावासाठी पुढील महिन्यात पोस्टल बॅलेट द्वारे भागधारकांची मंजुरी घेतली जाणार आहे. तसेच यासाठीची रेकॉर्ड डेट स्वतंत्रपणे जाहीर करण्यात येईल अशी माहिती सुद्धा दिली जात आहे.
