CDSL Share Price:- आज 20 ऑगस्ट 2025 रोजी शेअर मार्केटच्या सुरुवातीलाच थोडी घसरण आणि त्यात आता झालेली वाढ म्हणजे मार्केट सकारात्मक दिशेने जात असल्याचे संकेत आहेत. सध्या महत्वाचे निर्देशांक जसे की बीएसई सेन्सेक्स 115.98 अंकांच्या वाढीसह 81762.89 वर व्यवहार करत आहे. तर निफ्टी 50 या निर्देशांकात 27.25 अंकांची वाढ दिसून येत आहे व सध्या 25007.90 वर पोहोचला आहे.तसेच निफ्टी बँकमध्ये मात्र 202.10 अंकांची घसरण झाली आहे व सध्या 55663.25 वर व्यवहार करत आहे. तर निफ्टी आयटीत मात्र तब्बल 494.70 अंकांची मोठी वाढ झालेली आहे व सध्या 35251.40 वर व्यवहार करत आहे. या परिस्थितीत मात्र सीडीएसएल म्हणजेच सेंट्रल डिपॉझिटरी सर्विसेस लिमिटेड कंपनीच्या शेअरमध्ये 3.2 अंकांची काहीशी घसरण झाली असून सध्या हा शेअर 1578.50 रुपयांवर ट्रेड करत आहे.
सीडीएसएल शेअरची सध्याची स्थिती
आज अगदी सुरुवातीला सीडीएसएल शेअरची ओपनिंग 1582 रुपये किमतीने झाली व सध्या त्यात थोडीशी घट दिसून येत असून हा शेअर सध्या 1578.50 रुपयांवर व्यवहार करत आहे. तसेच कालची बंद किंमत 1582 रुपये इतकी होती व त्या तुलनेत आजची किंमत काहीशी कमी झाल्याचे दिसून येत आहे. तसेच आजची या शेअरची सुरुवातीची कमाल किंमत 1585 रुपये तर किमान किंमत 1572 रुपये इतकी राहिली आहे व 52 आठवड्यातील कमाल किंमत 1990 रुपये आणि किमान किंमत 1047 रुपये इतकी राहिली आहे. तज्ञांनी या शेअरसाठी पुढची टार्गेट प्राईस 1780 रुपये जाहीर केली आहे.
सीडीएसएल शेअरने गुंतवणूकदारांना दिलेला परतावा
आतापर्यंत सीडीएसएल शेअरने गुंतवणूकदारांना दिलेला परतावा बघितला तर एक वर्ष कालावधीकरिता केलेल्या गुंतवणुकीवर +9.76%, सहा महिने कालावधी करिता +30.64%, तीन महिन्याच्या गुंतवणुकीवर -8.8% आणि एक महिन्याच्या गुंतवणुकीवर -7.07% इतका परतावा दिलेला आहे.
सीडीएसएल शेअर होल्डिंग पॅटर्न
सीडीएसएल शेअर होल्डिंग पॅटर्न बघितला तर तो खालीलप्रमाणे आहे….
प्रमोटर्सकडे असलेले शेअर 15%, म्युच्युअल फंड 6.2%, इन्शुरन्स कंपनी 7.49%, फॉरेन पोर्टफोलिओ इन्वेस्टर म्हणजेच विदेशी गुंतवणूकदार यांच्याकडे 12.9%, फायनान्शियल इन्स्टिट्यूशन/ बँका 0.13%, वैयक्तिक गुंतवणूकदारांकडे 49.74% व इतरांकडे 8.54% इतके शेअर्स आहेत. शेअर होल्डिंग पॅटर्नची ही आकडेवारी जून 2025 मधील आहे.
