Credit Card : तुमच्यापैकी अनेकजण क्रेडिट कार्ड वापरतात. क्रेडिट कार्ड मुळे खूप फायदा होतो. अनेक महत्त्वाची कामे चुटकीसरशी होतात. यामुळे पैशांची बचत होते तर वेळेची देखील खूप बचत होते. प्रत्येक बँक क्रेडिट कार्ड ऑफर करत असते.
क्रेडिट कार्ड अपग्रेड करण्यापूर्वी किंवा स्विच करण्यापूर्वी, काही गोष्टी लक्षात ठेवा. जर तुम्ही या गोष्टींची काळजी घेतली नाही तर भविष्यात समस्यांना सामोरे जावे लागेल. आर्थिक नुकसानातून वाचायचे असेल तर या गोष्टी लक्षात ठेवा.
खर्चाचे करा मूल्यांकन
ज्यावेळी आपण क्रेडिट कार्ड अपग्रेड करत असतो त्यावेळी आपल्याला अनेक सुविधांसह मर्यादा वाढवण्याची सुविधा मिळत असते. कार्ड बदलण्यापूर्वी, आपण सर्वात जास्त खर्च कुठे करतो हे पहा. याचा अर्थ तुम्ही तुमच्या खर्चाचे मूल्यांकन करावे.
तुम्हाला वाटत असल्यास की तुमचा खर्च वाढत आहे तर तुम्हाला तुमच्या कार्डची मर्यादा वाढवता येईल. मर्यादा वाढवण्यापूर्वी तुम्हाला तुमची आर्थिक स्थिती लक्षात घ्यावी लागणार आहे.
वार्षिक शुल्क आणि इतर शुल्क
महत्त्वाचे म्हणजे क्रेडिट कार्ड कंपनी ग्राहकांकडून अनेक प्रकारचे शुल्क आकारत असते. कोणतीही कंपनी तुमच्याकडून वर्षाला किती रुपये आकारते ते तपासावे. अशा शुल्कांची तुलना केल्यानंतरच तुम्हाला कार्ड अपग्रेड करावे लागणार आहे.
समजा तुम्हाला तुमच्या कार्डपेक्षा जास्त वार्षिक शुल्क भरावे लागत असेल तर तुम्हाला किती बक्षिसे मिळत आहेत ते तपासावे लागणार आहे, तुम्हाला तुमच्या खर्चाच्या पद्धतीकडे लक्ष द्यावे लागेल.
बक्षीस लाभ
क्रेडिट कार्ड कंपनी व्यवहारासोबत ग्राहकांना बक्षिसे सारखे फायदे प्रदान करत असून तुम्हाला कधी आणि किती बक्षीस मिळतंय हे तुम्हाला माहीत असावे. क्रेडिट कार्डवर मिळणाऱ्या फायद्यांचाही आढावा घ्यावा लागणार आहे. तुम्ही एखाद्या विशिष्ट वस्तूवर खूप खर्च करत असल्यास त्या वस्तूवर क्रेडिट कार्ड तुम्हाला किती आणि काय फायदे देत आहे याकडे लक्ष द्यावे लागेल.
सणासुदीच्या काळात अनेक कार्ड्सवर ऑफर्स किंवा प्रमोशन असते. यावरही लक्ष ठेवा. परंतु ऑफर किंवा प्रमोशन घेताना, अटी आणि शर्ती तपशीलवार जाणून घ्याव्यात.
