Post Office Scheme : मुलांच्या जन्मापासूनच पालकांना भविष्याची चिंता असते, मुलांच्या शिक्षणासोबतच त्यांच्या लग्नाला खूप मोठा खर्च होतो, अशास्थितीत मुलांच्या जन्मापासूनच गुंतवणूक करणे फार महत्वाचे बनते, आज आम्ही पोस्टाची अशीच एक योजना सांगणार आहोत, जिथे तुम्ही मुलाच्या जन्मापासून गुंतवणूक करू शकता, आणि भविष्यात मोठा निधी गोळा करू शकता.
पोस्ट ऑफिसच्या या विशेष योजनेत गुंतवणूक करून तुम्ही तुमच्या मुलाचे भविष्य सुधारू शकता. पोस्टाच्या या योजनेचे नाव बाल जीवन विमा योजना असे आहे. चला या योजनेबद्दल अधिक माहिती जाणून घेऊया…
पोस्ट ऑफिसच्या या योजनेत फक्त 6 रुपये गुंतवून तुम्ही तुमच्या मुलाच्या शिक्षणासाठी आणि इतर गरजांसाठी लाखो रुपये मिळवू शकता. कसे? पाहूया…
काय आहे योजना?
पोस्ट ऑफिसची बाल जीवन विमा योजना ग्रामीण पोस्टल लाइफ इन्शुरन्स अंतर्गत येते. सरकारने ही योजना विशेषतः लहान मुलांसाठी तयार केली आहे. पालक त्यांच्या मुलांच्या नावे ही योजना खरेदी करू शकतात. या योजनेंतर्गत दररोज 6 रुपये ते 18 रुपयांपर्यंतचा प्रीमियम जमा करावा लागतो. पालक मासिक, त्रैमासिक, सहामाही आणि वार्षिक आधारावर प्रीमियम जमा करू शकतात.
बाल जीवन विमा योजनेत, परिपक्वतेवर 1 लाख रुपयांचा विमा लाभ दिला जातो. जर एखाद्या पॉलिसीधारकाने ही पॉलिसी 5 वर्षांसाठी खरेदी केली असेल, तर त्याला दररोज 6 रुपये प्रीमियम भरावा लागेल. ही योजना फक्त 5 ते 20 वयोगटातील मुलांचा समावेश आहे.
अटी
या योजनेत फक्त मुलांनाच नामांकित केले जाऊ शकते.
बाल जीवन विमा खरेदी करण्यासाठी, मुलांच्या पालकांचे वय 45 वर्षांपेक्षा जास्त नसावे.
या योजनेचा लाभ फक्त 5 ते 20 वयोगटातील मुलांनाच मिळतो.
वयाच्या 5 व्या वर्षी दररोज 6 रुपये प्रीमियम जमा करावा लागतो.
त्याच वेळी, मुलाचे वय 20 वर्षे असल्यास, दररोज 18 रुपये प्रीमियम जमा करावा लागेल.
बाल जीवन विमा योजनेचे फायदे
बाल जीवन विमा योजनेच्या परिपक्वतेवर, पॉलिसीधारकाला संपूर्ण रक्कम दिली जाते.
योजना पूर्ण होण्यापूर्वी पालकांचा मृत्यू झाल्यास, मुलाला प्रीमियम भरावा लागणार नाही.
जर मुलाचा मृत्यू झाला तर विम्याची रक्कम नॉमिनीला दिली जाते.
या योजनेचा लाभ एका कुटुंबातील दोनच मुलांना मिळतो.
बाल जीवन विमा योजनेसाठी कागदपत्रे
पालकांचे आधार कार्ड
मुलाचे आधार कार्ड
मुलाचे जन्म प्रमाणपत्र
निवास प्रमाणपत्र
मोबाईल नंबर
पासपोर्ट आकाराचा फोटो
