FD Interest Rates : फेडरल बँकेने नुकतीच एफडीवरील व्याजदरात सुधारणा केली आहे. बँकेचे नवीन व्याजदर 17 जानेवारी 2024 पासून लागू झाले आहेत. बँकेने 500 दिवसांसाठीच्या एफडी व्याजदरात वाढ केली असून बँक सर्वसामान्यांना 7.75 टक्के तर ज्येष्ठ नागरिकांना 8.25 टक्के व्याजदर ऑफर करत आहे.
खासगी क्षेत्रातील बँक फेडरल बँकेने सध्या त्यांच्या 500 दिवसांच्या एफडीवरील व्याजदर वाढवला आहे. आता बँक 500 दिवसांच्या या FD वर, जास्तीत जास्त 8.40 टक्के परतावा देत आहे.
फेडरल बँकेचे नियमित एफडीवर व्याजदर :-
फेडरल बँक 7 ते 29 दिवसांत परिपक्व होणाऱ्या FD वर 3 टक्के व्याजदर आणि 30 ते 45 दिवसांत परिपक्व होणाऱ्या FD वर 3.25 टक्के व्याजदर देत आहे. बँकेच्या वेबसाइटनुसार, 46 दिवस ते 60 दिवसांत परिपक्व होणाऱ्या एफडीवर 4.00 टक्के व्याज आणि 61 दिवस ते 119 दिवसांत परिपक्व होणाऱ्या एफडीवर 4.75 टक्के व्याज मिळेल. पुढील 120 ते 180 दिवसांत परिपक्व होणाऱ्यांना आता 5 टक्के दराने व्याज मिळेल. बँक पुढील 181 दिवस ते 270 दिवसांमध्ये परिपक्व होणाऱ्या FD वर 5.75 टक्के व्याजदर आणि पुढील 271 दिवस ते एक वर्षापेक्षा कमी कालावधीत परिपक्व होणाऱ्या FD वर 6 टक्के व्याजदर देत आहे.
फेडरल बँक आता 1 वर्ष ते 15 महिन्यांपेक्षा कमी कालावधीत परिपक्व होणाऱ्या FD वर 6.80 टक्के व्याजदर आणि 15 महिने ते 2 वर्षांच्या कालावधीत परिपक्व होणाऱ्या FD वर 7.25 टक्के व्याजदर देत आहे. दोन वर्षांपेक्षा जास्त आणि तीन वर्षांपेक्षा कमी कालावधीच्या FD वर आता 6.75 टक्के दराने व्याज मिळेल. तीन वर्षापासून पाच वर्षांपेक्षा कमी कालावधीच्या मुदतीच्या FD वर आता 6.60 टक्के दराने व्याज मिळेल. बँक 5 वर्षे आणि त्याहून अधिक कालावधीच्या FD वर 6.60 टक्के व्याज दर देत आहे. बँक ज्येष्ठ नागरिकांना ०.५० टक्के अतिरिक्त व्याज देत आहे.
