SBI FD : देशातील सर्वात मोठी बँक स्टेट बँक ऑफ इंडिया ग्राहकांच्या गरजा लक्षात घेऊन अनेक योजना आणते. नुकतीच SBI ने अमृत वृष्टी योजना सुरु केली आहे. पूर्वी SBI अमृत कलश, SBI सर्वोत्तम, WeCare आणि आता अमृत वृष्टी यादीत जोडण्यात आली आहे. आज आपण या चारही योजनांचे फायदे आणि तोटे जाणून घेणार आहोत.
SBI अमृत कलश अंतिम मुदत
अमृत कलश योजना ही देशातील सर्वात मोठी सार्वजनिक बँक SBI ची विशेष FD योजना आहे. यामध्ये गुंतवणूक करण्याची अंतिम तारीख 30 सप्टेंबर 2024 आहे. बँक त्यावर 7.10 टक्के व्याज देत आहे. ही SBI ची एक खास योजना आहे ज्यात 400 दिवसांच्या FD वर 7.10 टक्के व्याज दिले जात आहे. बँकेच्या वेबसाइटनुसार, कोणीही अमृत कलश स्पेशल स्कीममध्ये 400 दिवसांच्या कालावधीसह गुंतवणूक करू शकतो आणि हमी परतावा मिळवू शकतो. SBI बँकेच्या मते, अमृत कलश एफडी गुंतवणूकदार मासिक, त्रैमासिक आणि सहामाही व्याज पेमेंट घेऊ शकतात. SBI च्या वेबसाइटनुसार, अमृत कलश FD मध्ये जमा केलेले पैसे FD च्या 400 दिवसांपूर्वी काढले गेल्यास, बँक लागू दरापेक्षा दंड म्हणून 0.50 टक्के ते 1 टक्के कमी व्याजदर वजा करू शकते.
SBI Wecare FD योजना
SBI अलीकडे WeCare FD योजनेमध्ये WeCare FD वर सर्वोत्तम व्याज देत आहे. बँक कोणत्याही FD वर सामान्य ग्राहकापेक्षा ज्येष्ठ नागरिकांना 0.50 अधिक व्याज देते. SBI Wecare वर 7.50 टक्के व्याज मिळत आहे. योजनेअंतर्गत, किमान 5 वर्षे आणि कमाल 10 वर्षांसाठी गुंतवणूक केली जाते.
SBI ‘अमृत दृष्टी’ FD योजना
स्टेट बँक ऑफ इंडियाने (SBI) विशेष FD सुरू केली आहे. SBI च्या या नवीन योजनेचे नाव आहे ‘अमृत दृष्टी’. नवीन योजना 15 जुलै 2024 पासून लागू झाली आहे. अमृत वृष्टी योजना 444 दिवसांच्या ठेवींवर 7.25 टक्के वार्षिक व्याजदर देत आहे. याशिवाय SBI ज्येष्ठ नागरिकांना 0.50 टक्के अतिरिक्त व्याज देखील देईल. ज्येष्ठ नागरिकांना सर्वाधिक व्याज मिळत आहे. ही विशेष एफडी बँक शाखा, इंटरनेट बँकिंग आणि YONO चॅनलद्वारे बुक केली जाऊ शकते. या FD मध्ये तुम्ही जास्तीत जास्त 3 कोटी रुपये गुंतवू शकता.
SBI सर्वोत्तम FD योजना
एसबीआयची सर्वोत्तम योजना पीपीएफ, एनएससी आणि पोस्ट ऑफिसच्या बचत योजनांपेक्षा जास्त व्याज देत आहे. SBI च्या या योजनेचा सर्वात मोठा फायदा म्हणजे ही फक्त एक वर्ष आणि 2 वर्षांची योजना आहे. म्हणजेच तुम्ही कमी वेळात मोठा निधी उभारू शकता. SBI सर्वोत्तम योजनेत, ग्राहकांना 2 वर्षांच्या ठेवीवर म्हणजेच FD वर 7.4 टक्के व्याज मिळत आहे. हा व्याजदर सर्वसामान्यांसाठी आहे. त्याचबरोबर ज्येष्ठ नागरिकांना या योजनेवर 7.90 टक्के व्याज मिळत आहे.
त्याचबरोबर एका वर्षाच्या गुंतवणुकीवर सर्वसामान्यांना 7.10 टक्के तर ज्येष्ठ नागरिकांना 7.60 टक्के व्याज मिळत आहे. ज्येष्ठ नागरिकांसाठी 15 लाख रुपये ते 2 कोटी रुपयांच्या वरच्या सर्वोत्तम 1 वर्षाच्या ठेवीवरील वार्षिक उत्पन्न 7.82 टक्के आहे. तर, दोन वर्षांच्या ठेवींचे उत्पन्न 8.14 टक्के आहे. 2 कोटी ते 5 कोटी रुपयांच्या मोठ्या प्रमाणात ठेवींवर, SBI ज्येष्ठ नागरिकांना 1 वर्षासाठी 7.77 टक्के आणि 2 वर्षांसाठी 7.61 टक्के व्याज देत आहे.
