जिओ आणि एअरटेल या दोन्ही कंपन्या आपल्या ग्राहकांसाठी नवनवीन ऑफर घेऊन येत असतात. जिओने त्यांच्या ग्राहकांना अनेक आश्चर्यकारक रिचार्ज प्लॅन उपलब्ध करुन दिले आहेत. वापरकर्ते त्यांच्या गरजेनुसार रिचार्ज करू शकतात. जिओचे छोटे रिचार्ज असोत किंवा वर्षभर मोठे रिचार्ज असोत, तुम्ही तुमचे बजेट आणि गरज लक्षात घेऊन ते वापरू शकता. अशीच अमेझाँन प्राईमच्या ऑफरबद्दल आम्ही सांगणार आहोत.
जिओचा 1028 रुपयांचा प्लॅन
जिओच्या 1028 रुपयांच्या प्लॅनबद्दल बोलायचे झाले तर, वापरकर्त्यांना त्यात एकूण 168 जीबी डेटा मिळतो. याशिवाय, या योजनेची वैधता 84 दिवस आहे. कंपनी वापरकर्त्यांना अमर्यादित कॉलिंगसह दररोज 100 एसएमएस आणि 2 जीबी डेटा देखील देत आहे. अतिरिक्त फायद्यांबद्दल बोलायचे झाले तर, या प्लॅनसह वापरकर्त्यांना 90 दिवसांसाठी JioHotstar सबस्क्रिप्शन Swiggy One Lite आणि 50 रुपयांचा कॅशबॅक मिळतो.
जिओचा 1029 रुपयांचा प्लॅन
जिओच्या 1029 रुपयांच्या रिचार्जबद्दल बोलायचे झाले तर, या प्लॅनची वैधता 84 दिवस आहे. या प्लॅनमध्ये वापरकर्त्यांना अमर्यादित कॉलिंगसह दररोज 100 एसएमएस आणि 2 जीबी डेटाचा फायदा मिळेल. याशिवाय या योजनेसह वापरकर्त्यांना 90 दिवसांसाठी JioHotstar सबस्क्रिप्शन आणि Amazon Prime सबस्क्रिप्शन दिले जात आहे.
जिओचा सर्वोत्तम प्लॅन कोणता?
दोन्ही प्लॅनची तुलना केल्यास जर तुम्हाला ओटीटी प्लॅटफॉर्मवर अधिक चित्रपट आणि वेबसिरीज पहायला आवडत असतील, तर 1029 रुपयांचा प्लॅन तुमच्यासाठी अधिक फायदेशीर ठरू शकतो. कारण या प्लॅनमध्ये फक्त 1 रुपये जास्त देऊन तुम्हाला Amazon Prime सबस्क्रिप्शन मिळेल.
