HDFC Home Loan News : अलीकडे घरांच्या किमतीत मोठ्या प्रमाणात वाढ झाली आहे. घरांच्या किमतीमुळे सर्वसामान्य हैराण झाले आहेत. घर खरेदी करणे ही आयुष्यातील सर्वात मोठी उपलब्धी असते. पण घरांच्या किमती लाखो, करोडोंच्या घरात पोहोचल्या आहेत.
यामुळे घराचे स्वप्न पूर्ण करण्यासाठी अनेक जण गृह कर्जाचा आधार घेतात. महत्त्वाची बाब म्हणजे नुकत्याच काही दिवसांपूर्वी रिझर्व बँक ऑफ इंडियाने रेपो रेट मध्ये कपात केली आणि याचा परिणाम म्हणून गृह कर्जाचे व्याजदर कमी झाले आहेत.
आगामी काळात आरबीआय रेपो रेटमध्ये आणखी कपात करण्याची शक्यता सुद्धा व्यक्त केली जात आहे. दरम्यान जर तुम्हीही घरासाठी कर्ज काढण्याचा विचार करत असाल तर तुमच्यासाठी आजची बातमी कामाची ठरणार आहे.
आज आपण एचडीएफसी बँकेच्या होम लोनची माहिती पाहणार आहोत. खरे तर अनेकजण एचडीएफसी बँकेकडून होम लोन घेत आहेत. ही बँक प्रायव्हेट सेक्टर मधील देशातील सर्वात मोठी बँक असून आरबीआयने देशातील सर्वाधिक सुरक्षित बँकांच्या यादीत या बँकेला स्थान दिलेले आहे.
म्हणून आता आपण एचडीएफसी बँकेकडून 55 लाख रुपयांचे होम लोन घेतल्यास किती रुपयांचा मासिक हप्ता भरावा लागणार याचे कॅल्क्युलेशन आज आपण समजून घेणार आहोत.
एचडीएफसी बँकेचे गृहकर्दासाठीचे व्याजदर
एचडीएफसी बँक आपल्या ग्राहकांना कमीत कमी व्याजदरात गृह कर्ज उपलब्ध करून देत आहे. त्यामुळे जर तुम्हाला घर किंवा फ्लॅट घ्यायचा असेल तर एचडीएफसी बँकेचा पर्याय तुमच्यासाठी परफेक्ट ठरणार आहे. एचडीएफसी हे प्रायव्हेट सेक्टर मधील सर्वात मोठी बँक आहे.
या बँकेकडून आपल्या ग्राहकांना किमान 8.70% व्याज दरात गृह कर्ज उपलब्ध करून दिले जात आहे. बँकेचा हा सुरुवातीचा व्याजदर असून या व्याजदराचा फायदा फक्त 800 किंवा 800 च्या आसपास सिबिल स्कोर असणाऱ्या लोकांनाच मिळतो.
एचडीएफसी बँकेकडून 55 लाख रुपयांचे गृह कर्ज घेतल्यास किती रुपयांचा मासिक हप्ता
जर समजा एखाद्या ग्राहकाला एचडीएफसी बँकेकडून 8.70% व्याजदरात वीस वर्षांसाठी 55 लाख रुपयांचे गृह कर्ज मंजूर झाले तर सदर व्यक्तीला 48,429 रुपयांचा मासिक हप्ता भरावा लागणार आहे. म्हणजेच या काळात संबंधित व्यक्तीला एक कोटी 16 लाख 22 हजार 960 रुपये बँकेला द्यावे लागणार आहेत.
म्हणजेच 61 लाख 22 हजार 960 रुपये फक्त व्याज म्हणून बँकेला द्यावे लागतील. पण त्यामध्ये प्रोसेसिंग फी चा समावेश नाहीये. यामुळे कोणत्याही बँके कडून होम लोन घेण्याआधी त्या बँकेचे व्याजदर जाणून घेण जेवढ महत्त्वाचे आहे तेवढेच प्रोसेसिंग फी आणि इतर शुल्कांबाबत माहिती घेणे देखील आवश्यक राहणार आहे
