Punjab National Bank Update : पंजाब नॅशनल बँकेच्या ग्राहकांसाठी एक महत्त्वाची बातमी आहे. जर तुम्ही अजूनही खात्याचे KYC अपडेट केले नसेल तर तर 19 मार्च 2024 पर्यंत नक्की करा. अन्यथा तुमचे खाते गोठवले जाऊ शकते. KYC अपडेट करण्यासाठी आता ग्राहकांकडे फक्त ४ दिवसांचा वेळ आहे. आरबीआयच्या मार्गदर्शक तत्त्वांनुसार, तुमच्या बँक खात्याचे केवायसी करणे तुमच्यासाठी अनिवार्य आहे.
बँकेने ग्राहकांना त्यांच्या नोंदणीकृत मोबाईल क्रमांकावर एसएमएस पाठवून केवायसी करण्यास सांगितले आहे. जर बँक ग्राहकांनी असे केले नाही तर तुम्ही 19 मार्च नंतर तुमचे बँक खाते वापरू शकणार नाही. बँक तुमचे खाते गोठवू शकते.
गेल्या अनेक महिन्यांपासून अनेक बँका ग्राहकांना नो युवर कस्टमर (केवायसी) करण्यासाठी सतर्क करत आहेत. केवायसी करून घेतल्याने, ग्राहकांचे बँक खाते सक्रिय राहील आणि ते निधी हस्तांतरण, बिल भरणे इत्यादी अनेक गोष्टी सहज करू शकतील. अशातच सार्वजनिक क्षेत्रातील बँक पंजाब नॅशनल बँक ग्राहकांना KYC अपडेट करण्यास सांगत आहे. बँकेने ट्विटद्वारे ग्राहकांना केवायसी करून घेण्यास सांगितले आहे.
अशा प्रकारे तपास KYC अपडेट
तुमच्या पंजाब नॅशनल बँकेचे केवायसी झाले आहे की नाही हे जाणून घेण्यासाठी तुम्हाला कस्टमर केअरला कॉल करावा लागेल. ग्राहक कस्टमर केअर नंबर – 18001802222 किंवा 18001032222 वर कॉल करून अधिक माहिती मिळवू शकतात. हे दोन्ही नंबर टोल फ्री आहेत.
