Senior Citizen : आरबीआयकडून पुन्हा एकदा रेपो दरात कोणताही बदल न झाल्याने बँका एफडीवरील व्याजदर कमी करणार की वाढवणार असा प्रश्न सगळ्यांच्या मनात निर्माण झाला होता. मात्र, अलीकडे अनेक बँकांनी आपले व्याजदर वाढवले आहेत. या बँका ज्येष्ठ नागरिकांना मुदत ठेवींवर (FD) 9 टक्के आणि त्याहून अधिक व्याजदर देत आहेत. हे व्याजदर 2 कोटी रुपयांपेक्षा कमी एफडीवर उपलब्ध आहेत. अशा कोणत्या बँका आहेत ज्या सध्या ज्येष्ठ नागरिकांना एफडीवर 9 टक्के पेक्षा जास्त व्याज देत आहेत, पाहुयात…
युनिटी स्मॉल फायनान्स बँक
युनिटी स्मॉल फायनान्स बँक ज्येष्ठ नागरिकांना 1001 दिवसांत परिपक्व होणाऱ्या एफडीवर 9.5 टक्के व्याजदर देते.
फिनकेअर स्मॉल फायनान्स बँक
फिनकेअर स्मॉल फायनान्स बँक 750 दिवसांत परिपक्व होणाऱ्या FD वर ज्येष्ठ नागरिकांना 9.21 टक्के व्याजदर देते.
उत्कर्ष स्मॉल फायनान्स बँक
उत्कर्ष स्मॉल फायनान्स बँक ज्येष्ठ नागरिकांना दोन ते तीन वर्षांच्या मुदतीच्या FD वर 9.1 टक्के व्याज दर देते.
जन स्मॉल फायनान्स बँक
जन स्मॉल फायनान्स बँक दोन वर्षांपेक्षा जास्त ते तीन वर्षांपेक्षा कमी कालावधीत परिपक्व झालेल्या FD वर 9 टक्के व्याज दर देते.
इक्विटास स्मॉल फायनान्स बँक
इक्विटास स्मॉल फायनान्स बँक 444 दिवसांत परिपक्व होणाऱ्या FD वर ज्येष्ठ नागरिकांना 9 टक्के व्याजदर देते.
ESAF स्मॉल फायनान्स बँक
ESAF स्मॉल फायनान्स बँक ज्येष्ठ नागरिकांना दोन ते तीन वर्षांच्या मुदतीच्या FD वर 9 टक्के व्याजदर देते.
कोटक महिंद्रा
कोटक महिंद्रा बँकेने 3 वर्षे आणि त्याहून अधिक परंतु 4 वर्षांपेक्षा कमी कालावधीच्या व्याजदरात 50 bps ने 6.50 टक्के वरून 7 टक्के आणि 4 वर्षे आणि त्यापेक्षा जास्त कालावधीच्या परंतु 5 वर्षांपेक्षा कमी कालावधीच्या व्याजदरात 75 bps ने 6.25 टक्के ते ७ टक्के पर्यंत वाढ केली आहे. बँक सामान्य नागरिकांना 2.75 टक्के ते 7.25 टक्के आणि ज्येष्ठ नागरिकांना 3.25 टक्के ते 7.75 टक्के दरम्यान व्याजदर देते.
DCB बँक
बँकेने सामान्य नागरिकांसाठी 10 bps व्याजदर 7.75 टक्के वरून 7.85 टक्के पर्यंत 12 महिने 1 दिवस ते 12 महिने 10 दिवसांपर्यंत वाढवले आहेत. ज्येष्ठ नागरिकांसाठी, त्याच कालावधीत ते 8.25 टक्के वरून 8.35 टक्के पर्यंत वाढले आहे.
आयसीआयसीआय आणि एचडीएफसी
खाजगी क्षेत्रातील सर्वात मोठ्या बँका, HDFC आणि ICICI बँकेने ग्राहकांना चांगली बातमी दिली आहे. दोन्ही बँकांनी त्यांच्या FD (फिक्स्ड डिपॉझिट) वरील व्याजदरात बदल केले आहेत. बँकेच्या म्हणण्यानुसार, 7 दिवस ते 14 दिवसांच्या कालावधीसाठी 4.75 टक्के चा सर्वात कमी एफडी दर आणि 390 दिवस ते 15 महिन्यांच्या कालावधीसाठी सर्वाधिक 7.25 टक्के एफडी दर ऑफर केला जातो. त्याच वेळी, HDFC बँकेने 5 डिसेंबर 2023 पासून लागू होणाऱ्या 5 कोटी रुपयांपेक्षा जास्त रकमेसाठी मुदत ठेवींच्या दरांमध्ये बदल केले आहेत.
