Post Office Saving Schemes : बहुतेक लोक कमी जोखमीच्या गुंतवणुकीत पैसे गुंतवून नफा मिळविण्याचा विचार करतात. नोकरी व्यवसायाशी संबंधित लोकांना त्यांचे पैसे अशा ठिकाणी गुंतवायचे असतात जिथे त्यांना योग्य परतावा मिळेल. अशातच तुम्हीही गुंतवणूक करून मजबूत परतावा मिळवण्याचा विचार करत असाल तर आज आम्ही तुम्हाला अशाच एका गुंतवणूक योजनेबद्दल सांगणार आहोत.
पोस्ट ऑफिसद्वारे चालवल्या जाणाऱ्या या योजनेत गुंतवणूक करून तुम्हाला मोठा परतावा मिळू शकतो, या योजनेद्वारे तुम्ही महिन्याला तुमच्या गुंतवणुकीवर खूप चांगला परतावा कमावू शकता, आम्ही पोस्टाच्या मासिक उत्पन्न योजनाबद्दल बोलत आहोत.
या योजनेत तुम्हाला एकरकमी गुंतवणूक करावी लागते. ही योजना पोस्ट ऑफिसद्वारे चालवली जाणारी सर्वात लोकप्रिय योजना आहे, जिथे गुंतवणूक करून तुम्ही मासिक आधारावर पैसे कमवू शकता.
मासिक उत्पन्न योजनेची सविस्तर माहिती!
पोस्ट ऑफिसद्वारे चालवली जाणारी मासिक उत्पन्न योजना ही पेन्शन मिळवण्याचे एक साधन आहे. या योजनेत तुम्ही एकरकमी रक्कमही जमा करू शकता. एकदा गुंतवणूक केल्यास, तुम्हाला पुढील 5 वर्षे दरमहा पेन्शनचा लाभ मिळतो. या योजनेंतर्गत तुम्ही संयुक्त खाते देखील उघडू शकता.
यासह, तुम्ही एका खात्याद्वारे जास्तीत जास्त 9 लाख रुपये आणि संयुक्त खात्याद्वारे जास्तीत जास्त 15 लाख रुपयांपर्यंत गुंतवणूक करू शकता, मासिक उत्पन्न योजना ही मुदत ठेव खात्याचा एक प्रकार आहे. यामध्ये तुम्हाला मासिक व्याजाचा लाभ मिळतो. लक्षात घ्या या गुंतवणुकीचा कालावधी 5 वर्षांसाठी निश्चित करण्यात आला आहे.
तुम्हाला दर महिन्याला किती उत्पन्न मिळेल?
पोस्ट ऑफिस मासिक उत्पन्न योजनेअंतर्गत, तुम्हाला दरमहा उत्पन्न मिळेल. या योजनेवर वार्षिक ७.४ टक्के मिळते. त्याचे व्याजदरही काळानुरूप बदलतात. मासिक उत्पन्न योजनेत तुम्ही 9 लाख रुपयांपर्यंतची एकरकमी ठेव ठेवल्यास, तुम्हाला दर पाच वर्षांसाठी 5,550 रुपये मासिक व्याजाचा लाभ मिळत राहील. एवढेच नाही तर या योजनेत 15 लाख रुपये गुंतवले तर तुम्हाला दरमहा 9,250 रुपये पेन्शनचा लाभ मिळेल.
