Indo Tech Transformers Share:- इंडो टेक ट्रान्सफॉर्मर्स लिमिटेड ही भारतातील एक महत्त्वाची कंपनी असून ती वीज पारेषण आणि वितरण क्षेत्रात उल्लेखनीय प्रगती करत आहे. मागील काही वर्षांत सरकारकडून वीज क्षेत्रासाठी मोठ्या प्रमाणावर निधी दिला जात आहे.
तसेच विजेच्या वाढत्या जागतिक मागणीमुळे या क्षेत्रातील कंपन्यांना मोठा फायदा होत आहे. इंडो टेक ट्रान्सफॉर्मर्सने या संधीचा पुरेपूर उपयोग करत शेअर बाजारात उत्कृष्ट कामगिरी केली आहे.
14 महिन्यांतील सातत्यपूर्ण वाढ
फेब्रुवारी 2022 मध्ये कंपनीच्या शेअरची किंमत केवळ 184 रुपये होती.तर आता ती 2435 रुपयांवर पोहोचली आहे. याचा अर्थ असा की,या शेअरने एका वर्षात तब्बल 1200% वाढ नोंदवली आहे.
विशेष म्हणजे गेल्या 14 महिन्यांपासून हा शेअर सातत्याने गुंतवणूकदारांना सकारात्मक परतावा देत आहे. एप्रिल 2023 मध्ये या शेअरने 75% परतावा दिला. तर जानेवारी 2024 मध्ये 25% वाढ नोंदवली. यामुळे गुंतवणूकदारांचे लक्ष या शेअरकडे वेधले गेले आहे.
4 वर्षांत शानदार परतावा
जर आपण गेल्या चार वर्षांतील कामगिरी पाहिली तर इंडो टेक ट्रान्सफॉर्मर्सच्या शेअरने जवळपास 2410% परतावा दिला आहे. 2023 या वर्षात कंपनीच्या शेअर्सनी 275% परतावा दिला तर 2024 मध्ये हा आकडा 326% इतका वाढला आहे.
यावर्षी 9 जानेवारी रोजी या शेअरने 3700 रुपयांची पातळी ओलांडून 3792 रुपयांपर्यंत मजल मारली होती. त्यामुळे अल्प आणि दीर्घकालीन गुंतवणूकदारांसाठी हा शेअर आकर्षक ठरतो आहे.
नवीन ऑर्डर्समुळे व्यवसायात वाढ
इंडो टेक ट्रान्सफॉर्मर्ससाठी सप्टेंबर तिमाहीपासून सकारात्मक बातम्या येत आहेत. कंपनीला मोठ्या प्रमाणावर नवीन ऑर्डर्स मिळाल्या असून डिसेंबर महिन्यात ती 150 एमव्हीए ट्रान्सफॉर्मरच्या 13 युनिट्सचा पुरवठा करणार आहे.
या कराराची एकूण किंमत सुमारे 1.1717 अब्ज रुपये आहे.जी कंपनीसाठी मोठी आर्थिक संधी आहे. सप्टेंबर तिमाहीत कंपनीचा महसूल 1.46 अब्ज रुपये होता. तर निव्वळ नफा 180 कोटी रुपये नोंदवला गेला.
गुंतवणूकदारांसाठी संधी
इंडो टेक ट्रान्सफॉर्मर्स लिमिटेड कंपनी वीज पारेषण क्षेत्रात वेगाने वाढत आहे. सरकारकडून या क्षेत्रासाठी मिळणारा पाठिंबा, विजेची वाढती मागणी आणि कंपनीला मिळणाऱ्या मोठ्या ऑर्डर्स यामुळे भविष्यातही या शेअरमध्ये गुंतवणुकीची चांगली संधी निर्माण होऊ शकते.
अल्प आणि दीर्घकालीन गुंतवणूकदारांसाठी हा शेअर फायदेशीर ठरू शकतो. त्यामुळे भविष्यातील वाढीच्या संधी लक्षात घेऊन या शेअरवर बारकाईने नजर ठेवणे गरजेचे आहे.
