Infosys Share Price:- 2 सप्टेंबर 2025 रोजी शेअर मार्केटची सुरुवात अगदी ट्रेडिंगच्या सुरुवातीच्या कालावधीपासून तेजीत झाली.परंतु सध्या महत्त्वाच्या अशा निर्देशांकांमध्ये मात्र मोठ्या प्रमाणावर घसरण झाल्याचे पाहायला मिळत आहे. जर आपण बघितले तर बीएसई सेन्सेक्समध्ये 141.75 अंकाची घसरण दिसून येत असून 80222.74 रुपयांवर व्यवहार करत आहे. इतकेच नाहीतर निफ्टी 50 या सेन्सेक्समध्ये सध्या 34.10 अंकांची घसरण झाली असून या घसरणीसह 24583.45 वर पोहोचला आहे. तसेच महत्त्वाचे असलेले निफ्टी बँक या निर्देशांकात मात्र 285.95 अंकांची मोठी घसरण दिसून येत असून या घसरणीसह सध्या 53709.45 वर पोहोचला आहे. त्यासोबतच निफ्टी आयटीमध्ये देखील 3.30 अंकांची घसरण दिसून येत असून सध्या 35743.00 वर व्यवहार करत आहे.या परिस्थितीत मात्र इन्फोसिसच्या शेअरमध्ये देखील आता घसरण झाली असून सध्या 1.40 अंकांच्या घसरणीसह 1497.10 रुपयांवर ट्रेड करत आहे.
इन्फोसिसच्या शेअरचा परफॉर्मन्स
2 सप्टेंबर 2025 रोजी इन्फोसिसचा शेअर हा साधारणपणे 1499 रुपये किमतीवर ओपन झाला व त्यासोबतच आज या शेअरची आतापर्यंतची उच्चांकी किंमत 1512.80 रुपये राहिली असून नीचांकी किंमत 1486.30 आहे. तसेच 52 आठवड्याची कमाल किंमत ही 2006.45 रुपये तर किमान किंमत 1307.00 इतकी राहिली आहे.
इन्फोसिसच्या शेअरने गुंतवणूकदारांना दिलेला परतावा
या शेअरने आतापर्यंत गुंतवणूकदारांना दिलेला परतावा बघितला तर एक वर्ष कालावधीच्या गुंतवणुकीवर -22.44%, सहा आणि तीन महिन्याच्या गुंतवणुकीवर अनुक्रमे -10.68% आणि -3.53% व एक महिन्याच्या गुंतवणुकीवर +2.58% इतका परतावा दिला आहे.
