Infosys Share Price:- आज अगदी सुरुवातीपासून म्हणजे जेव्हा मार्केट ओपन झाले तेव्हापासून बीएसई सेन्सेक्स आणि निफ्टी 50 या महत्त्वाच्या निर्देशांकामध्ये सातत्याने घसरण होत असल्याचे दिसून येत आहे. सध्या जर आपण आज सेन्सेक्स बघितला तर त्यामध्ये 287.11 अंकाची घसरण झालेली असून या घसरणीसह सेन्सेक्स 80890.38 वर पोहोचला आहे. तर निफ्टी 50 या महत्त्वाच्या निर्देशांकामध्ये आतापर्यंत 164.15 अंकांची घसरण झाल्याचे दिसून येत असून सध्या 24695.95 वर पोहोचला आहे. तीच परिस्थिती निफ्टी मिडकॅप 100 या महत्त्वाच्या निर्देशांकामध्ये दिसून येत असून यामध्ये देखील 342.75 अंकांची घसरण झालेली आहे व सध्या या घसरणीसह 57047.65 वर पोहोचला आहे. तसेच निफ्टी बँक या निर्देशांकामध्ये देखील 180.1 अंकांची घसरण झाली असून सध्या या घसरणीसह हा निर्देशांक 55782.05 वर पोचलेला आहे. म्हणजेच या आकडेवारीवरून आपल्याला दिसून येते की आज सर्वच निर्देशांक घसरल्याचे चित्र आहे.
इन्फोसिसच्या शेअरची आजची किंमत काय?
काल 31 जुलै 2025 रोजी जेव्हा मार्केट बंद झाले तेव्हा इन्फोसिसच्या शेअरची अंतिम बंद किंमत 1509 रुपये होती. आज 1 ऑगस्ट 2025 रोजी जेव्हा मार्केट ओपन झाले तेव्हा इन्फोसिसच्या शेअरची ओपन किंमत 1494 रुपये इतकी होती. यामध्ये आता तब्बल 34 अंकांची घसरण झालेली असून सध्या या शेअरची किंमत 1475 रुपये इतकी आहे व त्यामध्ये कालच्या तुलनेत -2.25% इतकी घसरण झालेली आहे. तसेच या शेअरची 52 आठवड्यांची कामगिरी बघितली तर 52 आठवड्यांची निचांकी पातळी 1307 रुपये राहिली तर उचांकी पातळी 2006 रुपये इतकी राहिली. जर आपण इन्फोसिसचे सध्याचे मार्केट कॅप बघितले तर ते साधारणपणे 612,755 कोटी रुपये इतकी आहे.
इन्फोसिसच्या शेअरने गुंतवणूकदारांना दिलेला परतावा
गेल्या एक वर्षाच्या कालावधीपासून गुंतवणूकदारांना मिळालेला परताव्याची आकडेवारी पाहिली तर ज्या गुंतवणूकदारांनी एक वर्षाकरिता गुंतवणूक केली असेल त्यांना -20.92%, सहा महिन्याच्या गुंतवणुकीवर -21.4%, तीन महिन्याच्या गुंतवणुकीवर -1.51% आणि एक महिन्याच्या गुंतवणुकीवर -7.76% परतावा दिला आहे. म्हणजेच एकंदरीत आकडेवारीवरून दिसून येते की एक वर्षापासून गुंतवणूकदारांना निराशाजनक परतावा मिळाल्याचे दिसून येते.
कशी आहे इन्फोसिस शेअरहोल्डिंग( जून 2025)?
इन्फोसिसचे जर आपण शेअर होल्डिंग पॅटर्न बघितला तर प्रमोटर्सकडे या कंपनीचे 14.61% शेअर्स आहेत. तसेच वैयक्तिक गुंतवणूकदारांकडे 11.64%, म्युच्युअल फंड 20.86%, इन्शुरन्स कंपनी 15.72%, विदेशी गुंतवणूकदारांकडे 31.92% आणि इतरांकडे जवळपास 5.19% शेअर होल्डिंग आहे.
