Infosys Share Price:- आज 11 ऑगस्ट 2025 वार सोमवार असून बाजारामध्ये आज प्रचंड प्रमाणात उत्साहाचे वातावरण दिसून येत आहे. बीएसई सेन्सेक्समध्ये आतापर्यंत तब्बल 674 अंकांची वाढ झाली असून 80534.17 वर पोहोचला आहे तर निफ्टीमध्ये देखील 214 अंकांची वाढ दिसून येत असून सध्या निफ्टी 24577.30 वर आहे. त्यामुळे आजचा दिवस गुंतवणूकदारांसाठी नक्कीच सोन्याचा दिवस आहे असे म्हटले तरी वावगे ठरणार नाही. या सगळ्या परिस्थितीचा सकारात्मक परिणाम हा अनेक कंपन्यांच्या शेअरच्या किंमतींमध्ये झालेल्या वाढीत दिसून येत आहे. आयटी क्षेत्रातील महत्त्वाची असलेली इन्फोसिस या कंपनीच्या शेअरची सध्याची किंमत पाहिली तर त्यामध्ये 5.7 अंकांची वाढ दिसून येत आहे व ही बाब नक्कीच गुंतवणूकदारांसाठी दिलासादायक आहे.
इन्फोसिसच्या शेअरमध्ये झाली 5.7 अंकांची वाढ
आज 11 ऑगस्ट 2025 वार सोमवारी जेव्हा ट्रेडिंगला सुरुवात झाली तेव्हा इन्फोसिसचा शेअर 1420 रुपयांवर ओपन झाला व आजची ही किंमत कालच्या बंद किमतीच्या म्हणजे 1423 रुपये पेक्षा कमी असल्याचे दिसून आले. परंतु सध्या जर आपण इन्फोसिस शेअरची किंमत बघितली तर त्यामध्ये 0.4% ची वाढ दिसून येत आहे व किंमत 1428.80 रुपये इतकी आहे. आजची या शेअरची नीचांकी किंमत 1414 तर उच्चांकी किंमत 1433 रुपये इतकी आहे. तसेच 52 आठवड्यांचा उच्चांक 2006 रुपये तर नीचांकी पातळी 1307 रुपये इतकी आहे.
इन्फोसिस शेअरने आतापर्यंत गुंतवणूकदारांना दिलेला परतावा किती?
इन्फोसिस शेअर्सने गुंतवणूकदारांना आतापर्यंत दिलेला परतावा बघितला तर तो काहीसा खालील प्रमाणे आहे.
एक वर्ष कालावधीच्या गुंतवणुकीवर -19.11%, सहा महिन्याच्या गुंतवणुकीवर -23.82%, तीन महिन्याच्या गुंतवणुकीवर -4.99% तर 1 महिन्याच्या गुंतवणुकीवर -11.35% इतका परतावा दिला आहे. वरील आकडेवारी बघितली तर इन्फोसिसच्या शेअर्सने गुंतवणूकदारांचे नुकसानच केल्याचे यामध्ये दिसून येते.
