SBI Share Price:- आजचा सोमवार शेअर मार्केटसाठी खूप सकारात्मक परिणाम देणारा ठरला असल्याचे आतापर्यंतच्या परिस्थितीवरून तरी दिसून येत आहे. आज 11 ऑगस्ट 2025 वार सोमवारी जेव्हा शेअर मार्केट ओपन झाले तेव्हा अल्प कालावधीसाठी घसरण पाहायला मिळाली. परंतु त्यात नंतर मात्र सातत्याने आपल्याला बीएसई सेन्सेक्स आणि निफ्टीमध्ये वाढ होताना दिसून येत आहे. सध्याची ताजी आकडेवारी जर बघितली तर बीएसई सेन्सेक्स 538.62 अंकांच्या वाढीसह 80403.58 वर पोहोचला आहे. तसेच सकारात्मक वातावरण निफ्टी मध्ये देखील पाहायला मिळत असून निफ्टीमध्ये 175.96 अंकांची वाढ झाली असून सध्या निफ्टी 24539.25 वर पोहोचले आहे. बाजारांमधील या सगळ्या परिस्थितीचा परिणाम हा अनेक कंपन्यांच्या शेअर्सवर दिसून येत असून त्याला बँकिंग क्षेत्र देखील अपवाद नाही. आज स्टेट बँक ऑफ इंडियाच्या शेअर्सने देखील धमाल केली असून त्यामध्ये 18.85 अंकांची वाढ आतापर्यंत नोंदवण्यात आलेली आहे.
सध्या काय आहे स्टेट बँक ऑफ इंडियाच्या शेअरची किंमत?
आज 11 ऑगस्ट 2025 वार सोमवारी जेव्हा मार्केटची सुरुवात झाली तेव्हा स्टेट बँक ऑफ इंडियाचा शेअर्स 808 रुपयांवर ओपन झाला. महत्वाचे म्हणजे या शेअरची शनिवारची बंद किंमत 804 रुपये होती. तसेच या शेअरची आजची नीचांकी किंमत बघितली तर ती 808 रुपये आहे तर आतापर्यंतची उच्चांकी किंमत 824 रुपये इतकी आहे. इतकेच नाही तर 52 आठवड्यांच्या एकंदरीत कामगिरीवर नजर टाकली तर या कालावधीतली उच्चांकी पातळी 875 रुपये तर नीचांकी पातळी 680 रुपये इतकी आहे. सध्या या शेअरची किंमत 2.34% वाढीसह 823.15 रुपये इतकी आहे.
गेल्या 1 वर्षाच्या कालावधीपासून या शेअरने गुंतवणूकदारांना दिलेला परतावा
स्टेट बँकेच्या शेअर्सने गुंतवणूकदारांना अल्पकलावधीमध्ये चांगला परतावा दिल्याचे दिसून येत आहे. एक वर्षासाठी गुंतवणूक केली असेल त्यांना -0.6%, सहा महिन्याच्या गुंतवणुकीवर +11.69%, तीन महिन्याच्या गुंतवणुकीवर +5.61% तर एक महिन्याच्या गुंतवणुकीवर +1.85% इतका परतावा दिलेला आहे. जर आकडेवारी बघितली तर गुंतवणूकदारांना आतापर्यंत चांगला परतावा मिळाल्याचे आपल्याला दिसून येते. सध्या स्टेट बँक ऑफ इंडियाचे मार्केट कॅप 759,818 कोटी रुपये इतके आहे.
