ITC Limited Stock:- आयटीसी लिमिटेड एफएमसीजी क्षेत्रातील एक अग्रगण्य कंपनी असून नुकतेच या कंपनीने 2024-25 च्या तिसऱ्या तिमाहीचे आर्थिक निकाल जाहीर केले आहेत. कंपनीच्या एकत्रित निव्वळ नफ्यात यावर्षी 7.27% घट झाली असून तो 5013.16 कोटी रुपयांवर पोहोचला आहे.
तर गेल्या वर्षी याच तिमाहीत नफा 5406.52 कोटी रुपये होता. याप्रकारे आर्थिक वर्षाच्या तिसऱ्या तिमाहीत आयटीसीच्या नफ्यात कमी होणारे प्रमाण लक्षात घेतल्यास त्याच्या कामगिरीत काही ठिकाणी दबाव दिसून येतो.
परंतु कंपनीने शहरी बाजारपेठेत सुधारणा होण्याची चिन्हे दर्शविली असून ग्रामीण बाजारपेठेत अद्याप वृद्धीचा वेग टिकून आहे.ज्यामुळे भविष्यात काही सकारात्मक परिणाम होऊ शकतात.
डिसेंबर तिमाहीचा नफा कसा होता?
आयटीसीचा डिसेंबर तिमाहीत नफा 7.5% घटला असून तो 4935 कोटी रुपये झाला आहे. परंतु तामिळनाडू मध्ये केलेल्या कर सुधारणा आणि सिगारेटवरील करात वाढ न झाल्यामुळे आयटीसीच्या सिगारेट व्यवसायाला फायद्यात राहण्याची संधी आहे.
यामुळे मोतीलाल ओसवालसह अनेक प्रमुख ब्रोकरेज हाऊसेसने आयटीसीवर ‘बाय’ रेटिंग कायम ठेवले आहे आणि त्यांची टार्गेट प्राईस 550 निश्चित केली आहे. याचा अर्थ आयटीसीच्या शेअरमध्ये 28% पर्यंत वाढ होऊ शकते.
कंपनीच्या सिगारेट विभागाने चांगली कामगिरी केली आहे. सिगारेटवरील करात वाढ न झाल्यामुळे या व्यवसायातील शाश्वत वाढीची अपेक्षा आहे.
मोतीलाल ओसवालचे विश्लेषण दर्शवते की, वाढत्या कमोडिटी किमतींमुळे एफएमसीजी क्षेत्रात काही दबाव असला तरी आयटीसीच्या मजबूत ब्रँड उपस्थितीमुळे इतर प्रतिस्पर्ध्यांच्या तुलनेत आयटीसी एक पाऊल पुढे आहे. यामुळे उद्योगात अग्रगण्य स्थान राखण्याची त्यांची क्षमता सिद्ध होत आहे.
आयटीसीचे ऑपरेटिंग उत्पन्न 9.05% ने वाढून 20339.96 कोटी रुपयांवर पोहोचले जे गेल्या वर्षी 18660.37 कोटी रुपये होते. याचा अर्थ कंपनीने आपल्या व्यवसायातील कार्यक्षमता सुधारली आहे.
तथापि एकूण खर्च 12.18% वाढून 14413.66 कोटी रुपये झाला आहे. जो व्यवस्थापनासाठी चिंतेचा विषय असू शकतो. तथापि कंपनीने तिच्या विविध एफएमसीजी उत्पादनांमध्ये स्थिरता ठेवली असून तिला भविष्यकाळात अधिक शाश्वत वाढीची अपेक्षा आहे.
आयटीसी शेअरची गेल्या काही महिन्यातील कामगिरी
आयटीसीच्या शेअरवर गेल्या काही महिन्यांत दबाव दिसून आला आहे. गेल्या १ महिन्यात या शेअरच्या किंमतीत फारसा बदल झाला नाही आणि गेल्या सहा महिन्यांत या शेअरमध्ये 7% पेक्षा जास्त घट झाली आहे.
तरीही या शेअरने गेल्या एका वर्षात 5% पेक्षा जास्त वाढ केली आहे. आयटीसीच्या शेअरचा 52 आठवड्यांचा उच्चांक 500 रुपये आहे. तर नीचांक 377 रुपये आहे. तसेच मार्केट कॅपचे मूल्य सध्या 539129 कोटी रुपये आहे. जो एक मजबूत वित्तीय आधार दर्शवतो.
यावरून स्पष्ट आहे की, आयटीसी ही एक स्थिर, विश्वासार्ह आणि दीर्घकालीन दृष्टीकोनातून चांगली कामगिरी करणारी कंपनी आहे.ज्यात पुढील काळात वृद्धीच्या मोठ्या संधी असू शकतात.
