Kisan Vikash Patra: भविष्याचा विचार करून तुम्ही देखील सुरक्षित गुंतवणुकीचा विचार करत असाल तर तुमच्यासाठी एक आनंदाची बातमी आहे. आम्ही तुम्हाला आज एका जबरदस्त योजनेबद्दल माहिती देणार आहोत. ही योजना फक्त 120 महिन्यांत महिन्यात तुमचे पैसे देखील डबल करू देते. चला मग जाणून घेऊया या योजनेबद्दल संपूर्ण माहिती.
या लेखात आज आम्ही तुम्हाला पोस्ट ऑफिसच्या किसान विकास पत्र योजनाबद्दल माहिती देणार आहोत. जे तुम्हाला सुरक्षित परतावासह तुमचे पैसे डबल करून देते. तुमच्या माहितीसाठी जाणून घ्या कि किसान विकास पत्र ही योजना पोस्ट ऑफिस योजनेची एक विशेष योजना आहे. या योजनेमध्ये कोणताही प्रौढ नागरिक त्याचे खाते उघडू शकतो. तुम्हाला हवे असल्यास तुम्ही 3 लोकांच्या नावाने संयुक्त खाते देखील उघडू शकता.
1 जानेवारी 2023 रोजी सरकारने किसान विकास पत्रामध्ये उपलब्ध व्याजदरात 20 आधार अंकांची वाढ केली आहे. सध्या त्यावर वार्षिक आधारावर 7.2 टक्के दराने व्याज मिळते. स्मॉल सेव्हिंग्ज स्कीममध्ये व्याज दर दर तीन महिन्यांनी म्हणजे त्रैमासिक आधारावर निश्चित केले जातात. तुम्ही या योजनेत 1,000 रुपयांची गुंतवणूक सुरू करू शकता. यामध्ये जास्तीत जास्त गुंतवणुकीला मर्यादा नाही. किसान विकास पत्रातील तुमच्या गुंतवणुकीची रक्कम सध्याच्या व्याजदरानुसार 120 महिन्यांत म्हणजे 10 वर्षांत दुप्पट होते.
करात सूट
बँक बाजारने दिलेल्या माहितीनुसार, किसान विकास पत्र (KVP) योजना आयकर कायदा 1961 अंतर्गत येते. त्यामुळे यामध्ये 80C अंतर्गत कर सूट मिळू शकते. जर तुम्ही या योजनेत 50,000 रुपयांपेक्षा जास्त गुंतवणूक केली तर तुम्हाला तुमचे पॅन कार्ड तपशील शेअर करावे लागतील. तुम्ही हमी म्हणून किसान विकास पत्र योजनेचा वापर करून कर्ज देखील घेऊ शकता.
इतिहास काय आहे
भारतीय पोस्ट ऑफिसने 1988 मध्ये ही योजना सुरू केली. ही योजना भारत सरकारने देशातील लहान बचतीला प्रोत्साहन देण्यासाठी आणि गुंतवणूकदारांचे भविष्य सुरक्षित करण्यासाठी आणली होती. ही योजना सुरू झाल्यापासून खूप लोकप्रिय झाली असली तरी 2011 मध्ये या योजनेचा मनी लॉन्ड्रिंगसाठी गैरवापर होऊ शकतो हे सरकारच्या लक्षात आले.
2014 मध्ये अनेक बदलांसह ही योजना पुन्हा एकदा सुरू करण्यात आली. या बदलांमध्ये एकाचवेळी 50 हजारांहून अधिक गुंतवणुकीसाठी पॅनकार्ड आवश्यक करण्यात आले असून 10 लाखांपेक्षा जास्त गुंतवणुकीसाठी उत्पन्नाच्या स्रोताचा पुरावा अनिवार्य करण्यात आला आहे.
हे पण वाचा :- Amitabh Bachchan Crush: जया बच्चन किंवा रेखा नाही तर ‘ही’ अभिनेत्री आहे बिग बींची क्रश ! नाव जाणून वाटेल आश्चर्य
