LIC New Plan:- भारतीय आयुर्विमा महामंडळ (LIC) एक विश्वासार्ह व लोकप्रिय विमा कंपनी आहे. जी विविध प्रकारच्या गुंतवणूक योजनांचा पर्याय देत आहे. ही एक खास योजना आहे ज्यामध्ये तुम्ही दररोज थोड्या रकमेची गुंतवणूक करून एक मोठा फंड तयार करू शकता. या योजनेचे नाव जीवन आनंद पॉलिसी आहे.
ही योजना खास अशा लोकांसाठी आहे ज्यांना भविष्याच्या महत्त्वाच्या खर्चासाठी तयार व्हायचं आहे.परंतु त्यांना मोठ्या रक्कमेची एकत्रित गुंतवणूक करणे कठीण आहे. या योजनेच्या माध्यमातून तुम्ही दररोज 200 किमान गुंतवणूक करून 20 लाख किंवा त्यापेक्षा अधिक रक्कम मिळवू शकता. या योजनेचे एक मुख्य आकर्षण म्हणजे इतर फायदे जे तुमच्या भविष्याच्या सुरक्षिततेसाठी महत्वाचे आहेत.
एलआयसीच्या या योजनेचे महत्त्वाचे स्वरूप
या योजनेत किमान 1 लाख विमा रक्कम दिली जाते आणि यामध्ये गुंतवणुकीची कोणतीही कमाल मर्यादा नाही. याचा अर्थ तुम्ही तुमच्या क्षमतेनुसार अधिक रक्कमही गुंतवू शकता आणि त्यामुळे तुम्हाला अधिक फंड मिळू शकतो. उदाहरणार्थ जर तुमचं वय 21 वर्ष असेल तर तुम्हाला 30 वर्षांपर्यंत 20 लाखाचा फंड तयार करायचा
असल्यास तुम्हाला दरमहा 5,922 म्हणजेच दररोज 197 ची गुंतवणूक करावी लागेल. या प्रीमियममध्ये पहिल्या वर्षी काही बदल होईल आणि दुसऱ्या वर्षापासून तुम्हाला दरमहा 5,795 किंवा 193 ची रक्कम भरावी लागेल. हे प्रीमियम तुमच्या वयावर आणि इतर घटकांवर आधारित बदलू शकतात.
पॉलिसीधारकाला मिळणारा बेनिफिट
जीवन आनंद पॉलिसी एक टर्म मॅच्युरिटी प्लॅन आहे.म्हणजेच तुम्ही ज्यापद्धतीने योजनेचा कालावधी निवडला आहे.त्या कालावधीत तुम्हाला प्रीमियम भरावा लागेल. उदाहरणार्थ जर तुम्ही 30 वर्षे या योजनेत गुंतवणूक करत असाल तर तुम्हाला प्रत्येक वर्षी प्रीमियम जमा करण्याची जबाबदारी असेल.
जर या कालावधीत पॉलिसीधारकाचा मृत्यू झाला तर त्याच्या नॉमिनीला दोन्ही गोष्टी मिळू शकतात: एक तर मूळ विमा रक्कमेच्या 125% रक्कमेचा लाभ किंवा भरलेल्या प्रीमियमच्या 105% रक्कमेचा लाभ. यामुळे पॉलिसीधारकाचे कुटुंब आर्थिक दृष्ट्या सुरक्षित राहते.
या योजनेचा एक आणखी महत्त्वाचा फायदा म्हणजे बोनस मिळवण्याची संधी. जर तुम्ही 30 वर्षांपर्यंत दररोज 200 जमा करत राहिलात तर तुम्हाला साधारणत: 30 लाख बोनस मिळू शकतो.
हा बोनस तुमच्या पॉलिसीच्या परिस्थितीनुसार आणि LIC च्या नियमांनुसार असू शकतो. या योजनेबद्दल अधिक माहिती तुम्ही LIC च्या नजीकच्या शाखेतील अधिकृत प्रतिनिधींकडून मिळवू शकता. त्याचबरोबर या योजनेवर तुम्हाला कर्ज घेण्याची सुविधा देखील आहे. जी तुमच्या गरजेनुसार तुम्ही वापरू शकता.
कुणाला घेता येतो हा प्लॅन?
ही योजना 18 ते 50 वर्षे वय असलेल्या कोणत्याही व्यक्तीसाठी उपलब्ध आहे. पॉलिसीची मुदत 15 ते 35 वर्षांच्या दरम्यान असू शकते. तुम्ही तुमच्या सोयीनुसार मासिक, त्रैमासिक, सहामाही किंवा वार्षिक प्रीमियम भरू शकता. यामुळे तुम्हाला तुमच्या आर्थिक स्थितीनुसार अधिक लवचिकता मिळते आणि पॉलिसी अधिक सुलभ बनते.
याव्यतिरिक्त या योजनेत असलेली विमा रक्कम आणि गुंतवणुकीच्या अटी तुम्ही तुमच्या गरजेनुसार कस्टमाईझ करु शकता.LIC च्या या योजनेत विशेषतः दीर्घकालीन फायदे आहेत.कारण आपल्याला एक स्थिर आणि सुरक्षित गुंतवणुकीचा पर्याय मिळतो. या योजनेमुळे तुमचं भविष्य आर्थिक दृष्ट्या मजबूत बनवता येईल.
