LIC Policy : LIC ही देशातील सर्वात जुनी आणि मोठी विमा कंपनी आहे. LIC कडून आपल्या ग्राहकांना अनेक पॉलिसी ऑफर केल्या जातात, या योजनांअंतर्गत LIC आपल्या ग्राहकांना विविध सुविधा देखील पुरवते. LIC कडे अशा अनेक योजना आहेत ज्या गुंतवणूकदारांना आकर्षित करण्यासाठी पुरेशा आहेत.
देशातील मोठ्या संख्येने लोक जीवन विमा खरेदी करण्यासाठी सरकारी कंपनी LIC वर विश्वास ठेवतात. दरम्यान आज आम्ही तुम्हाल LICच्या अशाच एका खास योजनेबद्दल सांगणार आहोत. जी अगदी कमी गुंतवणुकीत चांगला परतावा देत आहे. आम्ही ज्या योजनेबद्दल बोलत आहोत, ती म्हणजे जीवन उमंग योजना. ही एक नॉन-लिंक्ड, सहभागी, जीवन विमा योजना आहे. चला तर मग जाणून घेऊया ही योजना कशी काम करते? आणि याचे फायदे…
LIC चे जीवन उमंग काय आहे?
LIC ची जीवन उमंग ही एक नॉन-लिंक्ड, सहभागी, जीवन विमा योजना आहे. त्यातून उत्पन्नासोबतच तुमच्या कुटुंबाला सुरक्षा मिळते. या पॉलिसीचे वैशिष्ट्य म्हणजे जेव्हा प्रीमियम भरण्याची मुदत संपेल तेव्हा तुम्हाला मुदतपूर्तीपर्यंत सर्व्हायव्हल बेनिफिटचा लाभ मिळेल. त्याच वेळी, एलआयसीकडून पॉलिसीधारकाला परिपक्वता आणि मृत्यूवर एकरकमी पेमेंट दिले जाईल.
55 रुपयांमध्ये दरवर्षी 48,000 रुपये नफा कसा मिळवायचा ?
वयाच्या 25 व्या वर्षी कोणीतरी 30 वर्षांच्या मुदतीसाठी 6 लाख रुपयांच्या विमा रकमेसह LIC ची जीवन उमंग योजना घेत असल्यास. त्याला प्रत्येक महिन्याला 1638 रुपये म्हणजेच दररोज 54.6 रुपये प्रीमियम भरावा लागेल. पॉलिसीची पेमेंट टर्म वयाच्या ५५ व्या वर्षी संपल्यानंतर, त्याला मॅच्युरिटी होईपर्यंत दरवर्षी ४८,००० रुपये मिळतील. मॅच्युरिटीवर, विमाधारकास विमा रक्कम आणि बोनससह 28 लाख रुपये दिले जातील. या योजनेतील परिपक्वता वय 100 वर्षे आहे. म्हणजेच तुम्हाला वयाच्या 100 व्या वर्षीही मॅच्युरिटी बेनिफिट मिळेल.
मृत्यू लाभ काय आहे?
या योजनेत मृत्यू लाभ देखील समाविष्ट आहे. पॉलिसीच्या मुदतीदरम्यान पॉलिसीधारकाचा मृत्यू झाल्यास, पॉलिसीधारकाच्या नॉमिनीला प्रत्यावर्ती बोनस आणि अंतिम अतिरिक्त बोनससह विमा रकमेचा लाभ मिळेल. मृत्यू लाभ हा विमाधारकाच्या वतीने भरलेल्या प्रीमियमच्या 105 टक्के पेक्षा कमी असू शकत नाही. प्रीमियममध्ये कर समाविष्ट नाही.
