Loan against Fixed Deposit : आज प्रत्येक कामासाठी पैशांची गरज भासते. अगदी एखादी वस्तू खरेदी करण्यापासून ते घर बांधण्यापर्यंत प्रत्येक कामासाठी पैसे लागतात. बऱ्याच वेळा अशा कामांसाठी आपल्याकडे हवे तितके पैसे नसतात. अशावेळी आपण बँकेच्या कर्जाची मदत घेतो आणि आपले काम पूर्ण करतो. पण कर्ज घेण्यासाठी तुमचा क्रेडिट स्कोअर चांगला असायला हवा. जेव्हा तुमचा क्रेडिट स्कोअर चांगला नसेल तेव्हा कर्ज घेण्यास अडचण येऊ शकते पण आता काळजी करण्याची गरज नाही.
सध्या जवळजवळ प्रत्येक मध्यमवर्गीय कुटुंब मुदत ठेवींमध्ये गुंतवणूक करत आहे. कारण त्यात कोणताही धोका नसतो आणि ठराविक वेळेनंतर चांगले परतावा मिळतो. जर तुमचा क्रेडिट स्कोर चांगला नसेल. पण जर तुमच्याकडे बँक FD असेल तर तुम्हाला कर्ज घेण्यास कोणतीही अडचण येणार नाही. कारण तुम्ही तुमच्या एफडीवर कर्ज घेऊ शकता. चला जाणून घेऊया कसे?
एफडीवर कर्ज घेण्यासाठी, एफडी परिपक्व असणे आवश्यक नाही. FD परिपक्व होण्याआधीच तुम्ही सहजपणे कर्ज घेऊ शकता.
कसे घेतले जात कर्ज ?
बँकांच्या कर्जाच्या तुलनेत हे थोडे महाग असल्याचे सिद्ध होऊ शकते. कारण यामध्ये बँक तुम्हाला कर्ज देण्यापूर्वी तुमचा क्रेडिट स्कोर तपासत नाही. त्यामुळे यातील व्याजदर FD वर मिळणाऱ्या व्याजापेक्षा एक किंवा दोन टक्के जास्त असू शकतो. हे कर्ज डिमांड लोन किंवा ओव्हरड्राफ्टच्या स्वरूपात आहे. त्याची परतफेड करण्यासाठी तुम्हाला 60 महिने किंवा त्यापेक्षा कमी कालावधी मिळू शकतो.
FD वर कर्जासाठी कोणती बँक किती व्याज आकारते ?
स्टेट बँक ऑफ इंडिया
या बँकेत एफडीवर दिलेल्या कर्जासाठी, एफडीवरील व्याजदरापेक्षा एक टक्के अधिक दराने व्याज आकारले जाते. हे कर्ज योनो ॲप, इंटरनेट बँकिंग किंवा बँकेच्या कोणत्याही शाखेत जाऊन घेता येईल.
एसबीआयमध्ये एफडी रकमेच्या ९५ टक्क्यांपर्यंत कर्ज घेता येते. यामध्ये एफडीवर किमान ५ हजार आणि कमाल ५ कोटी रुपयांच्या ओव्हरड्राफ्टची सुविधा देण्यात आली आहे.
पंजाब नॅशनल बँक
PNB मध्ये FD वर घेतलेल्या कर्जासाठी, FD वर दिलेल्या व्याजापेक्षा 0.75 टक्के जास्त व्याज आकारले जाते. परंतु बँक आपल्या कर्मचार्‍यांकडून आणि माजी कर्मचार्‍यांकडून 10 लाख रुपयांपर्यंतच्या FD वर ओव्हरड्राफ्टसाठी कोणतेही अतिरिक्त शुल्क आकारत नाही.
एचडीएफसी बँक
एफडीवर दिल्या जाणाऱ्या कर्जासाठी, ही बँक एफडीवरील व्याजापेक्षा २ टक्के अधिक दराने व्याज आकारते.
बँक ऑफ बडोदा
बँक ऑफ बडोदा FD वर दिलेल्या कर्जासाठी FD वर उपलब्ध असलेल्या कर्जाच्या दरापेक्षा एक टक्के जास्त व्याज आकारते. हे ओव्हरड्राफ्ट अंतर्गत येईल.
