Multiple Bank Accounts : प्रत्येक नोकरी करणाऱ्या व्यक्तीचे बँकेत Salary account असतेच, पण जर Salary account मध्ये तीन महिन्यांपर्यंत पगार मिळाला नाही तर त्या खात्याचे बचत खात्यात रूपांतरित होते. तसेच या खात्याबाबत बँकेचे नियम देखील बदलतात. अशा खात्यांना बँका बचत खाते मानतात. बँकेच्या नियमांनुसार बचत खात्यात किमान रक्कम ठेवणे आवश्यक आहे. जर तुम्ही ते न राखल्यास, तुम्हाला दंड भरावा लागतो आणि बँक तुमच्या खात्यात जमा केलेल्या रकमेतून पैसे कापून घेऊ शकते. दरम्यान आज आपण एका पेक्षा जास्त बचत खाते असण्याचे नुकसान जाणून घेणार आहोत.
-एकापेक्षा जास्त बँकांमध्ये खाती असल्यास तुमचे मोठे नुकसान होऊ शकते. तसेच तुमचे प्रत्येक खाते सांभाळण्यासाठी तुम्हाला त्यात ठराविक रक्कम ठेवावी लागते. म्हणजेच तुमची जास्त खाती असतील तर तुमची मोठी रक्कम बँकांमध्ये अडकून राहते. त्या रकमेवर तुम्हाला जास्तीत जास्त ४ ते ५ टक्के वार्षिक परतावा मिळतो. त्याच वेळी, जर बचत खात्यात पैसे ठेवण्याऐवजी, तुम्ही ते इतर योजनांमध्ये गुंतवले तर तुम्हाला वार्षिक परताव्याच्या रूपात अधिक व्याज मिळेल.
-एकापेक्षा जास्त निष्क्रिय खाती असल्याने तुमच्या क्रेडिट स्कोअरवरही नकारात्मक परिणाम होतो. तुमच्या खात्यात किमान शिल्लक न ठेवल्याने तुमचा क्रेडिट स्कोअर खराब होतो. म्हणून, निष्क्रिय खाते कधीही चालू ठेवू नका आणि नोकरी सोडल्याबरोबर ते खाते बंद करा.
-अधिक बँकांमध्ये खाती असल्याने कर जमा करताना अनेक अडचणींना सामोरे जावे लागते. कागदोपत्री कामातही खूप संघर्ष करावा लागतो. तसेच आयकर भरताना सर्व बँक खात्यांशी संबंधित माहिती जपून ठेवावी लागते. अनेकदा त्यांच्या स्टेटमेंटच्या नोंदी गोळा करणे हे खूप किचकट काम होते.
-एकाधिक खाती असल्याने तुम्हाला वार्षिक देखभाल फी आणि सेवा शुल्क भरावे लागते. क्रेडिट आणि डेबिट कार्डांव्यतिरिक्त, बँक इतर बँकिंग सुविधांसाठी देखील पैसे घेते. त्यामुळे येथेही तुम्हाला मोठ्या प्रमाणात नुकसान सहन करावे लागत आहे.
-अनेक बँकांमध्ये खाती असणे देखील सुरक्षेच्या दृष्टिकोनातून चांगले नाही. प्रत्येकजण नेट बँकिंगद्वारे खाते चालवतो. अशा परिस्थितीत प्रत्येकाचा पासवर्ड लक्षात ठेवणे खूप कठीण काम आहे. निष्क्रिय खाते न वापरल्याने, त्याची फसवणूक होण्याची शक्यता खूप जास्त असते कारण तुम्ही त्याचा पासवर्ड बराच काळ बदलत नाही. हे टाळण्यासाठी, खाते बंद करा आणि त्याचे नेट बँकिंग हटवा.