NAALCO Share Price:- 2 सप्टेंबर 2025 वार मंगळवारी शेअर मार्केटची सुरुवात तेजीत झाली असून महत्वाच्या अशा निर्देशांकांमध्ये मोठी वाढ होताना आपल्याला दिसून येत असून सध्या जर आपण बघितले तर बीएसई सेन्सेक्समध्ये 272.30 अंकाची वाढ होऊन 80636.79 रुपयांवर व्यवहार करत आहे. इतकेच नाहीतर निफ्टी 50 या सेन्सेक्समध्ये सध्या 95.65 अंकांची वाढ दिसून येत असून 24720.70 वर पोहोचला आहे. तसेच महत्त्वाचे असलेले निफ्टी बँक या निर्देशांकात मात्र 8.85 अंकांची अल्पशी घसरण दिसून येत असून या घसरणीसह सध्या 53987.95 वर पोहोचला आहे. त्यासोबतच निफ्टी आयटीमध्ये देखील 197.95 अंकांची वाढ झाली असून सध्या 35937.60 वर व्यवहार करत आहे.या तेजीत नाल्को अर्थात नॅशनल अल्युमिनियम कंपनीच्या शेअरमध्ये मोठी वाढ झाली असून सध्या 8.50 अंकांच्या वाढीसह 200.29 रुपयांवर ट्रेड करत आहे.
नाल्कोच्या शेअरचा परफॉर्मन्स
2 सप्टेंबर 2025 रोजी नाल्कोचा शेअर हा साधारणपणे 192 रुपये किमतीवर ओपन झाला व त्यासोबतच आज या शेअरची आतापर्यंतची उच्चांकी किंमत 201.95 रुपये राहिली असून नीचांकी किंमत 190.87 आहे. तसेच 52 आठवड्याची कमाल किंमत ही 262.99 रुपये तर किमान किंमत 137.75 इतकी राहिली आहे.
नाल्कोच्या शेअरने गुंतवणूकदारांना दिलेला परतावा
या शेअरने आतापर्यंत गुंतवणूकदारांना दिलेला परतावा बघितला तर एक वर्ष कालावधीच्या गुंतवणुकीवर +9.61%, सहा आणि तीन महिन्याच्या गुंतवणुकीवर अनुक्रमे +12.69% आणि +10.97% व एक महिन्याच्या गुंतवणुकीवर +10.76% इतका परतावा दिला आहे.
