Nippon India Value Fund:- आजकाल म्युच्युअल फंडात गुंतवणूक करणाऱ्यांची संख्या वेगाने वाढत आहे. कारण ते एक चांगला परतावा देण्यासोबतच गुंतवणूकदारांना विविध प्रकारच्या आर्थिक उद्दिष्टांच्या पूर्ततेसाठी उत्तम पर्याय पुरवतात. अशाच काही म्युच्युअल फंडांबद्दल आम्ही तुम्हाला सांगणार आहोत. ज्यांनी गुंतवणूकदारांना मोठा परतावा दिला आहे आणि ज्यात गुंतवणूक करून तुम्ही करोडपती होऊ शकतात
निप्पॉन इंडिया व्हॅल्यू फंड
निप्पॉन इंडिया व्हॅल्यू फंड हे एक अत्यंत यशस्वी म्युच्युअल फंड आहे. या फंडाची सुरुवात २००५ मध्ये झाली होती आणि तेव्हापासून निप्पॉन इंडिया व्हॅल्यू फंडने दरवर्षी १६.८६% परतावा दिला आहे. जर तुम्ही या फंडात १७ वर्षांपासून दरमहा १०,००० रुपये गुंतवले असते तर तुमच्याकडे आज १.०१ कोटी रुपये जमा झाले असते. या फंडाच्या स्टॉक सिलेक्शन आणि दीर्घकालीन गुंतवणुकीच्या धोरणामुळे ते कायमच चांगला परतावा देत आहे.
जेएम व्हॅल्यू फंड
जेएम व्हॅल्यू फंड १९९७ मध्ये सुरू करण्यात आला आणि हा फंडही अत्यंत यशस्वी ठरला आहे. त्याने १६.७४% चा दरवर्षीचा परतावा दिला आहे. जर तुम्ही १९ वर्षांपासून दरमहा १०,००० रुपये गुंतवले असते, तर आज तुमच्याकडे १.०३ कोटी रुपये राहिले असते.जेएम व्हॅल्यू फंड हा दीर्घकालीन गुंतवणुकीसाठी आदर्श आहे.कारण त्याची निवडक आणि समतोल धोरणे गुंतवणूकदारांना चांगला परतावा देण्यास सक्षम ठरली आहेत.
बंधन स्टर्लिंग व्हॅल्यू फंड
बंधन स्टर्लिंग व्हॅल्यू फंड २००८ मध्ये सुरू झाला आणि याने गुंतवणूकदारांना १७.०१% चा उत्कृष्ट परतावा दिला आहे. जर तुम्ही १७ वर्षांपासून या फंडात दरमहा १०,००० रुपये गुंतवले असते तर आज तुमच्याकडे १.१० कोटी रुपये राहिले असते.बंधन स्टर्लिंग फंडाने तोट्यापासून वाचवण्यासोबतच, धोरणात्मक गुंतवणुकीच्या माध्यमातून चांगला परतावा दिला आहे.
म्हणजेच म्युच्युअल फंडामध्ये लहान प्रारंभिक गुंतवणुकीनेही दीर्घकालीन दृष्टीकोन ठेवून मोठा परतावा मिळवता येतो. या तीन फंडांमध्ये तुमच्या १०,००० रुपयांच्या सुरुवातीच्या गुंतवणुकीने किमान १ कोटी रुपयांचा परतावा मिळवता येऊ शकतो. ही एक नामी संधी आहे जी तुमच्यासाठी करोडपती होण्याची शक्यता निर्माण करू शकते. मात्र म्युच्युअल फंडामध्ये गुंतवणूक करताना तुम्हाला दीर्घकालीन दृष्टीकोन आणि बाजारातील चढ-उतार पाहूनच निर्णय घ्यावा लागेल.
तुम्हाला चांगला परतावा मिळवण्यासाठी म्युच्युअल फंडांची निवड करताना योग्य धोरण आणि तज्ञांचा सल्ला घेणे महत्त्वाचे ठरते.
