PNB Security Alerts : तुम्ही देखील पंजाब नॅशनल बँकेचे ग्राहक असाल तर ही बातमी तुच्यासाठी उपयुक्त ठरेल. पंजाब नॅशनल बँकने आपल्या ग्राहकांना सावध केले आहे. बँकने ग्राहकांना बनावट वेबसाईट पासून सावध राहण्यास सांगितले आहे.
बँकेने म्हटले आहे की, PNB सारख्या दिसणार्‍या कोणत्याही बनावट लिंकवर क्लिक करू नका. बँकेची अधिकृत वेबसाइट www.pnbindia.in आहे. अशा परिस्थितीत कोणताही व्यवहार ऑनलाइन करताना नेहमी बँकेची अधिकृत वेबसाइट तपासा.
बँकेने यासंदर्भात सोशल मीडिया हँडल X (पूर्वीचे ट्विटर) वर पोस्ट देखील केले आहे, ज्यामध्ये ग्राहकांसाठी एक महत्त्वाची माहिती असे लिहिले आहे. पंजाब नॅशनल बँकेची अधिकृत वेबसाइट www.pnbindia.in आहे. तसेच, पंजाब नॅशनल बँक असल्याचा दावा करणाऱ्या कोणत्याही खोट्यापासून सावध रहा आणि त्यावर क्लिक करू नका.
काही दिवसांपूर्वी गृह मंत्रालयाच्या सायबर गुन्हे शाखेने पीएनबीच्या नावाने सुरू असलेल्या बनावट गुंतवणूक योजनेचा पर्दाफाश केला होता. ज्याची माहिती सरकारी सोशल मीडिया हँडल ‘सायबर दोस्त’वरही देण्यात आली आहे. या योजनेत गुंतवणूकदारांना पीएनबीच्या नावावर आमिष दाखवून कमिशन दिल्याची चर्चा आहे.
सायबर दोस्त, वरील पोस्टमध्ये, अशा बनावट अर्धवेळ नोकरी आणि गुंतवणूक ॲपच्या जाहिरातींवर विश्वास ठेवू नये, असा सल्लाही त्यांनी सर्वसामान्यांना दिला.
फसवणूक टाळण्यासाठी करा ‘हे’ उपाय !
-कोणत्याही प्रकारची फसवणूक टाळण्यासाठी तुम्ही काही गोष्टी लक्षात ठेवाव्यात.
-इंटरनेटवर गुंतवणुकीशी संबंधित कोणतीही जाहिरात पाहिल्यास त्याची पडताळणी करा. यासाठी तुम्ही अधिकृत वेबसाइटची मदत घेऊ शकता.
-कोणत्याही बँकेची वेबसाइट उघडताना नेहमी URL तपासा.
-बँक तुमचा OTP कधीच विचारत नाही. या कारणास्तव, ऑनलाइन कोणाशीही OTP शेअर करू नका.
