Post Office Fixed Deposit : पोस्ट ऑफिसच्या गुंतवणूक योजना आपल्या पैशाला सुरक्षितपणे वाढवण्यासाठी एक उत्तम पर्याय आहेत. बँकेप्रमाणेच पोस्ट ऑफिसमध्येही ‘टाइम डिपॉझिट’ म्हणजेच एफडी (Fixed Deposit) सुविधा उपलब्ध आहे. या योजनांमध्ये गुंतवलेले पैसे सुरक्षित असतात आणि त्यावर गॅरंटीड व्याज मिळते. सध्या ५ वर्षांच्या एफडीवर आकर्षक ७.५ टक्के व्याजदर मिळत असल्याने ही योजना गुंतवणूकदारांच्या विशेष आकर्षणाचे केंद्र बनली आहे.
पोस्ट ऑफिस एफडी म्हणजे काय?
पोस्ट ऑफिस एफडी ही एक गुंतवणूक योजना असून त्यात तुम्ही ठरावीक रक्कम निश्चित कालावधीसाठी ठेवू शकता. मुदत संपल्यानंतर तुम्हाला मूळ मुद्दल अधिक निश्चित व्याज मिळते. पोस्ट ऑफिसमध्ये एफडीसाठी १ वर्ष, २ वर्षे, ३ वर्षे, आणि ५ वर्षे असे विविध पर्याय उपलब्ध आहेत.
व्याजदर किती आहेत?
सध्या पोस्ट ऑफिसमध्ये वेगवेगळ्या एफडींवर खालील व्याजदर लागू आहेत:
१ वर्ष एफडी – ६.९०%
२ वर्ष एफडी – ७.००%
३ वर्ष एफडी – ७.१०%
५ वर्ष एफडी – ७.५०%
तिप्पट परतावा कसा मिळवाल?
पोस्ट ऑफिस एफडीची खरी खासियत म्हणजे मुदतवाढ देण्याचा पर्याय. उदाहरणार्थ, जर तुम्ही ५ लाख रुपये ५ वर्षांच्या एफडीमध्ये गुंतवल्यास तुम्हाला ७.५ टक्के वार्षिक व्याजदरानुसार ५ वर्षांत ₹२,२४,९७४ व्याज मिळून एकूण ₹७,२४,९७४ मिळतील. मात्र, तुम्ही या एफडीला आणखी दोनदा (दर ५ वर्षांनी) मुदत वाढ दिली, तर एकूण १५ वर्षांनंतर तुमची गुंतवणूक ₹१५,२४,१४९ पर्यंत वाढेल. यात फक्त व्याज ₹१०,२४,१४९ असेल म्हणजेच मूळ मुद्दलाच्या दुप्पट!
मुदतवाढ कधी आणि कशी करता येईल?
१ वर्ष एफडीसाठी मॅच्युरिटीच्या ६ महिन्यांच्या आत, २ वर्ष एफडीसाठी १२ महिन्यांच्या आत, तर ३ आणि ५ वर्ष एफडीसाठी १८ महिन्यांच्या आत मुदत वाढवता येते. याशिवाय खाते उघडतानाही मुदत वाढवण्याचा पर्याय निवडता येतो. मुदतवाढ करताना त्यावेळी लागू असलेला व्याजदर पुढील कालावधीसाठी लागू होतो.
कोण गुंतवणूक करू शकते?
पोस्ट ऑफिस एफडीमध्ये कोणीही भारतीय नागरिक गुंतवणूक करू शकतो. यामध्ये अल्पवयीन मुलांच्या नावाने पालकही खाते उघडू शकतात. खात्याची सुरुवात ₹१००० पासून करता येते, तर गुंतवणुकीची कोणतीही कमाल मर्यादा नाही.
पोस्ट ऑफिस एफडी का निवडावी?
पोस्ट ऑफिसच्या एफडीवर गॅरंटीड आणि सुरक्षित परतावा मिळतो. ही योजना भारत सरकारच्या हमीखाली असल्याने गुंतवणूक पूर्णपणे सुरक्षित आहे. याशिवाय बँक एफडीच्या तुलनेत या योजनेत अनेकदा जास्त व्याजदर मिळतो.
गुंतवणूक दीर्घकाळात तीन पट !
पोस्ट ऑफिस एफडीमध्ये दीर्घ मुदतीसाठी गुंतवणूक करायची असल्यास, ५ वर्षांची एफडी निवडा आणि शक्य असेल तर मुदत वाढवण्याचा पर्याय जरूर वापरा. त्यामुळे तुमची गुंतवणूक दीर्घकाळात तीन पट वाढू शकते आणि केवळ व्याजातून मुद्दलाच्या दुप्पट कमाईही मिळू शकते. गुंतवणूक सुरू करण्यासाठी जवळच्या पोस्ट ऑफिसमध्ये संपर्क करा आणि सुरक्षित, आकर्षक आणि खात्रीशीर परताव्याचा लाभ घ्या.
