Post Office RD Scheme : गेल्या काही वर्षांपासून शेअर मार्केट आणि म्युचल फंड मध्ये गुंतवणूक करणाऱ्यांचे प्रमाण वाढले आहे. अनेकजण शेअर मार्केटमध्ये गुंतवणूक करताना दिसतात. परंतु शेअर मार्केट मधील गुंतवणूक फारच जोखीम पूर्ण असते. त्यामुळे सुरक्षित गुंतवणुकीसाठी बँकांच्या एफडी योजनांमध्ये आणि सरकारी बचत योजनांमध्ये गुंतवणुकीला प्राधान्य दिले जाते.
दरम्यान पोस्टाच्या बचत योजनेत गुंतवणूक करायची असल्यास RD योजना एक फायदेशीर पर्याय ठरू शकतो. तुम्हाला सुरक्षित गुंतवणूक करायची असेल तर तुम्ही RD चा विचार करू शकता. यात तुम्हाला सुरक्षित अन निश्चित परतावा मिळू शकतो.
खरेतर यावर्षी RBI ने रेपो रेट मध्ये कपात करण्याचा निर्णय घेतल्यानंतर FD चे व्याजदर कमी झाले आहेत. यामुळे गुंतवणूक दारांना मोठा फटका बसतोय. अशा स्थितीत जर तुमचा सुरक्षित गुंतवणूकीचा विचार असेल तर आजची ही बातमी तुमच्या कामाची ठरणार आहे.
कारण आज आपण पोस्टाच्या आरडी योजनेत प्रत्येक महिन्याला पाच हजार पाचशे रुपयांची गुंतवणूक केली तर किती रिटर्न मिळणार याचा आढावा घेणार आहोत. खरंतर पोस्टाच्या आरडी योजनेत दरमहा एक निश्चित रक्कम गुंतवली जाते.
यावर गुंतवणूकदारांना निश्चित परतावा दीला जातो. ज्या गुंतवणूकदारांना एक रकमी गुंतवणूक करता येणे अशक्य आहे अशा गुंतवणूकदारांसाठी ही योजना फायद्याची ठरते. या योजनेत गुंतवलेली रक्कम पूर्णपणे सुरक्षित असते.
पोस्ट ऑफिस RD योजना कशी ठरणार फायदेशीर?
पोस्टाच्या आरडी योजनेत गुंतवणूक करणाऱ्यांना वार्षिक 6.7 टक्के दराने व्याज दिले जात आहे. पोस्ट ऑफिसच्या RD योजनेत प्रत्येक महिन्याला पाच हजार पाचशे रुपयांची गुंतवणूक केली तर 392,512 रुपयांचा फंड तयार होणार आहे.
त्यामध्ये तीन लाख तीस हजार रुपये गुंतवणूकदाराची गुंतवणूक राहणार आहे आणि उर्वरित 62,512 रुपये व्याज स्वरूपात रिटर्न मिळणार आहेत. नक्कीच ज्या लोकांना सुरक्षित ठिकाणी इन्व्हेस्टमेंट करायची आहे त्यांच्यासाठी ही योजना फायद्याची ठरेल. या योजनेच्या माध्यमातून गुंतवणूकदारांना छोटी रक्कम गुंतवून चांगला मोठा खंड तयार करता येऊ शकतो.
