Post Office Scheme : बँकांच्या एफडी योजनांचे व्याजदर गेल्या काही महिन्यांमध्ये मोठ्या प्रमाणात कमी झाले आहेत. यामुळे मुदत ठेव योजनेत गुंतवणूक करणाऱ्यांना मोठा फटका बसतोय. आरबीआयने रेपो रेट मध्ये या वर्षात एक टक्क्यांपर्यंत कपात केली आहे आणि यामुळे देशभरातील सरकारी आणि खाजगी बँकांनी सुद्धा मुदत ठेव योजनेचे व्याजदर कमी केलेत.
पण, आजही पोस्ट ऑफिसच्या एफडी योजनांचे व्याजदर कायम आहेत. यामुळे अनेकजण पोस्टाच्या एफडी योजनांमध्ये गुंतवणूक करत आहेत. दरम्यान, जर तुम्हालाही फिक्स डिपॉझिटमध्ये गुंतवणूक करायची असेल तर तुमच्यासाठी पोस्टाचा पर्याय बेस्ट राहणार आहे.
कारण इतर बँकांच्या तुलनेत पोस्टाच्या एफडी योजनांचे व्याजदर हे फारच अधिक आहेत. दरम्यान आता आपण पोस्ट ऑफिसच्या 24 महिन्यांच्या एफडी योजनेत एक लाख रुपयांची गुंतवणूक केल्यास किती रिटर्न मिळणार? याची माहिती पाहणार आहोत.
खरे तर सध्या सणासुदीचा हंगाम सुरू आहे आणि अनेक जण सोन्याचे दागिने बनवण्याच्या तयारीत असतील. विजयादशमीला तसेच दिवाळीच्या मौताला अनेक जण सोन्याचे दागिने बनवतात.
पण जर तुम्हाला सोन्याच्या दागिने मध्ये गुंतवणूक करायची नसेल तर तुम्ही फिक्स डिपॉझिट मध्ये पैसा गुंतवायला हवा. तुम्ही तुमच्या पत्नीच्या नावाने पोस्ट ऑफिसच्या FD योजनेत गुंतवणूक करून चांगला परतावा मिळवू शकता.
पोस्ट ऑफिसच्या माध्यमातून टाईम डिपॉझिट योजना ऑफर केली जाते. पोस्टाच्या टाईम डिपॉझिट योजनेला एफडी योजना म्हणून ओळखतात. पोस्टाची टाइम डिपॉझिट योजना एक वर्ष, दोन वर्ष, तीन वर्षे आणि पाच वर्षाची आहे.
पोस्टाच्या टाईम डिपॉझिट योजनेत गुंतवणूकदारांना जास्तीत जास्त 7.5% पर्यंतचे व्याज दिले जाते. एका वर्षाच्या योजनेत गुंतवणूक केल्यास 6.9% दोन वर्षांच्या योजनेत गुंतवणूक केल्यास 60% तीन वर्षांच्या योजनेत गुंतवणूक केल्यास 7.10% दराने व्याज दिले जाते.
पाच वर्षांच्या एफडी योजनेत गुंतवणूक केल्यास पोस्टाकडून 7.50% व्याज दिले जाते. अशा तऱ्हेने जर एखाद्या गुंतवणूकदाराने दोन वर्षांसाठी पोस्टाच्या टाईम डिपॉझिट योजनेत एका लाखाची गुंतवणूक केली तर त्यांना एक लाख 14 हजार 888 रुपये मिळणार आहेत.
पोस्टाच्या टाईम डिपॉझिट योजनेत महिला असो किंवा पुरुष साऱ्यांना सारखेच व्याज दिले जाते. येथे ज्येष्ठ नागरिकांना सुद्धा अधिकचे रिटर्न मिळत नाहीत. बँका सामान्य ग्राहकांपेक्षा ज्येष्ठ नागरिकांना अधिक व्याज देतात.
