Post Office Scheme : तुम्हालाही सुरक्षित ठिकाणी गुंतवणूक करायची आहे का? मग तुमच्यासाठी पोस्टाची बचत योजना फायद्याची ठरणार आहे. पोस्ट ऑफिस कडून सर्वच वयोगटातील नागरिकांसाठी बचत योजना राबवल्या जात आहेत. पोस्ट ऑफिसची आरडी योजना देखील अशीच एक लोकप्रिय बचत योजना.
दरम्यान आज आपण याच योजनेबाबत माहिती पाहणार आहोत. खरंतर ज्या लोकांना एक रकमी गुंतवणूक करता येणे शक्य नाही अशा लोकांसाठी पोस्टाची आरडी योजना फायद्याची ठरते.
पोस्ट ऑफिसच्या आरडी योजनेत दरमहा एक निश्चित रक्कम गुंतवता येते. पोस्ट ऑफिसच्या आरडी योजनेत दरमहा 2800 रुपयांची गुंतवणूक केल्यास गुंतवणूकदारांना किती रिटर्न मिळणार? याबाबत आज आपण माहिती पाहणार आहोत.
कशी आहे पोस्टाची आरडी योजना?
पोस्टाची आरडी योजना पाच वर्षांची आहे. आरडी योजनेत गुंतवणूक करणाऱ्या गुंतवणूकदारांना 6.7% दराने व्याज दिले जात आहे. महत्वाची बाब म्हणजे पोस्टाच्या आरडी योजनेत केलेली गुंतवणूक ही पूर्णपणे सुरक्षित आहे.
या वर्षात बँकांच्या एफडी योजनांचे व्याजदर फारच कमी झाले आहे. यामुळे पोस्टाच्या बचत योजनेचा पर्याय हा सर्वसामान्यांसाठी फायद्याचा ठरतो. म्हणून जर तुम्हाला सुरक्षित ठिकाणी गुंतवणूक करायची असेल तर पोस्टाची आरडी योजना तुमच्यासाठी बेस्ट राहणार आहे.
आरडी योजनेत गुंतवणूकदारांना प्रत्येक महिन्याला कमीत कमी 100 रुपयांची गुंतवणूक करता येते. तसेच यामध्ये कमाल गुंतवणुकीची कोणतीच मर्यादा नाहीये. म्हणजेच गुंतवणूकदाराला जेवढा पैसा हवा तेवढा तो या योजनेत गुंतवू शकतो. पोस्ट ऑफिसची आरडी योजना 60 महिन्यांनी म्हणजेच पाच वर्षात परिपक्व होते.
या योजनेत दरमहा 2800 रुपयांची गुंतवणूक केल्यास पाच वर्षांनी गुंतवणूकदारांना एक लाख 99 हजार 826 रुपये मिळणार आहे. यामध्ये गुंतवणूकदाराची गुंतवणूक एक लाख 68 हजार रुपयांची राहणार आहे आणि उर्वरित पैसे व्याज स्वरूपात गुंतवणूकदाराला रिटर्न मिळणार आहेत.
