Post Office Scheme : तुम्हालाही सुरक्षित ठिकाणी गुंतवणूक करायची असेल तर पोस्टाचा पर्याय बेस्ट राहणार आहे. खरेतर, अलिकडच्या काळात गुंतवणुकीचं महत्त्व झपाट्याने वाढलेलं दिसत आहे. प्रत्येक जण कुठे ना कुठे गुंतवणूक करण्याच्या तयारीत आहे. शेअर मार्केट आणि म्युच्युअल फंड मध्ये देखील गुंतवणूक प्रचंड वाढली आहे.
पण येथे केलेली गुंतवणूक रिस्की असते आणि यामुळे अनेक जण सुरक्षित ठिकाणी गुंतवणूक करण्याचा प्लॅन करतात. दरम्यान गेल्या काही वर्षांपासून सुरक्षित आणि खात्रीशीर परतावा देणाऱ्या योजनांमध्ये नागरिकांचा कल वाढला आहे.
अशाच योजनांपैकी एक म्हणजे पोस्ट ऑफिसची रिकरिंग डिपॉझिट (RD) योजना, जी कमी जोखमीसह चांगला परतावा देणारा पर्याय मानली जाते. या योजनेत गुंतवणूकदार दरमहा एक निश्चित रक्कम जमा करून, पाच वर्षांच्या कालावधीत मोठा निधी तयार करू शकतात.
या योजनेची विशेषता म्हणजे, तुम्ही केवळ 100 रुपयांपासून गुंतवणुकीची सुरुवात करू शकता. उदाहरणार्थ, जर एखाद्या गुंतवणूकदाराने दरमहा 15,000 रुपये जमा केले, तर पाच वर्षांत त्याची एकूण बचत सुमारे 9 लाख रुपये होईल.
सध्याच्या 6.7 टक्के वार्षिक व्याजदराने, या रकमेवर सुमारे 1.7 लाख रुपये व्याज मिळते. म्हणजेच, पाच वर्षांच्या शेवटी एकूण अंदाजे 10.7 लाखांचा निधी तयार होऊ शकतो. पोस्ट ऑफिस आरडी योजनेला भारत सरकारचा थेट पाठिंबा असल्याने ती पूर्णपणे सुरक्षित गुंतवणूक योजना आहे.
शेअर मार्केटमधील चढ-उताराचा या योजनेवर कोणताही परिणाम होत नाही. त्यामुळे जोखीम टाळू इच्छिणाऱ्यांसाठी हा एक विश्वासार्ह पर्याय ठरतो. योजनेतील व्याजदर दर तीन महिन्यांनी केंद्र सरकारकडून ठरवले जातात.
आरडी खाते उघडण्याची प्रक्रिया देखील अतिशय सोपी आहे. इच्छुक गुंतवणूकदार आपल्या जवळच्या पोस्ट ऑफिसमध्ये जाऊन खाते उघडू शकतात. या योजनेत कर-बचतीचे फायदे देखील मिळतात, ज्यामुळे तुमची एकूण बचत अधिक वाढते.
भविष्यासाठी नियोजन करताना, स्थिर आणि सुरक्षित उत्पन्न देणारी योजना निवडणे महत्त्वाचे असते. पोस्ट ऑफिस रिकरिंग डिपॉझिट योजना ही अशा सर्व निकषांवर खरी उतरते. जोखीम न घेता हमी परतावा आणि नियमित बचतीच्या सवयीमुळे ही योजना सर्वसामान्य गुंतवणूकदारांसाठी आजही सर्वोत्तम पर्याय ठरते.