Post Office Scheme : पोस्ट ऑफिसच्या बचत योजनेत गुंतवणूक करण्याचा प्लॅन असेल तर आजची बातमी तुमच्या कामाची ठरणार आहे. आज आपण पोस्टाच्या अशा एका योजनेची माहिती पाहणार आहोत जेथून गुंतवणूकदारांना पाच वर्षात 17 लाखांचे रिटर्न मिळणार आहेत.
खरे तर या वर्षात शेअर मार्केटमध्ये मोठी अस्थिरता पाहायला मिळाली आहे. सोबतच फिक्स डिपॉझिटचे व्याजदर देखील बँकांकडून कमी करण्यात आले आहे. आरबीआयने रेपो रेट मध्ये कपात करण्याचा निर्णय घेतल्यानंतर बँकांकडून एफबी चे व्याजदर कमी करण्यात आले आहे.
त्यामुळे आता बँकांच्या एफडी योजने ऐवजी सुरक्षित गुंतवणुकीच्या शोधात असणारे लोक पोस्ट ऑफिसच्या बचत योजनांमध्ये पैसा गुंतवताना दिसत आहेत. अशा स्थितीत जर तुम्हाला ही पोस्टाच्या बचत योजनेत गुंतवणूक करायचे असेल तर तुमच्यासाठी आज आम्ही एका खास बचत योजनेबाबत माहिती घेऊन आलो आहोत.
आज आपण पोस्टाच्या आरडी योजनेबाबत माहिती पाहूयात. पोस्टाच्या आरडी योजनेत गुंतवणूकदारांना प्रत्येक महिन्याला एक छोटी रक्कम गुंतवता येते. अर्थात ज्यांना एक रकमी पैसा गुंतवता येणे अशक्य आहे अशा लोकांसाठी ही योजना फायद्याची ठरणार आहे.
विशेष म्हणजे यामध्ये गुंतवलेला पैसा हा पूर्णपणे सुरक्षित असतो. पोस्टाच्या आरडी योजनेत गुंतवलेल्या पैशांवर 6.5 टक्के दराने व्याज दिले जात आहे. तसेच गुंतवणुकीवर चक्रवाढ व्याजाचा सुद्धा लाभ मिळतो. ही योजना पाच वर्षांची आहे.
दरम्यान एखाद्या गुंतवणूकदाराने या योजनेत प्रत्येक महिन्याला 25 हजार रुपयांची गुंतवणूक सुरू केली तर पाच वर्षांनी त्याला 17 लाख रुपयांचा फंड मिळणार आहे. 25 हजार रुपये आरडी करणाऱ्यांना पाच वर्षांनी 17 लाख 74 हजार 771 रुपये मिळणार आहेत.
यात गुंतवणूकदाराची गुंतवणूक 15 लाख रुपयांची राहील. बाकीचे दोन लाख 74 हजार 771 रुपये गुंतवणूकदाराला व्याज स्वरूपात परत मिळणार आहेत. पोस्ट ऑफिस आरडी योजनेत कोणताही भारतीय नागरिक अकाउंट ओपन करू शकतो.
विशेष म्हणजे RD योजनेत जॉईंट अकाउंट सुद्धा ओपन करता येते. म्हणजे पती-पत्नी दोघे मिळून हे अकाउंट ओपन करू शकतात. पोस्टाच्या आरडी योजनेत दरमहा किमान शंभर रुपयांची गुंतवणूक करता येते. तसेच येथे कमाल गुंतवणुकीची कोणतीही मर्यादा सेट करण्यात आलेली नाही.
गुंतवणूकदाराला जेवढी रक्कम गुंतवायची असेल तेवढी तो या योजनेत लावू शकतो. आरडी योजनेत दरमहा निश्चित तारखेला पैसे जमावे करावे लागतात. वेळेवर पैसे जमा केले नाहीत तर एक टक्के दंड भरावा लागतो.
