Post Office Scheme : शेअर मार्केट आणि म्युच्युअल फंड मध्ये गुंतवणूक करणाऱ्यांची संख्या वाढत असतानाच पोस्ट ऑफिसच्या बचत योजनांकडे देखील गुंतवणूकदार मोठ्या प्रमाणात आकर्षित होत आहेत. बँकांच्या एफडी योजनांऐवजी आता पोस्ट ऑफिसच्या बचत योजनांना अधिक प्राधान्य दिले जात आहे.
कारण म्हणजे बँकेच्या एफडी योजनेचे व्याजदर सातत्याने कमी होत आहे. सर्वच बँक आपल्या एफडी योजनांचे व्याजदर कमी करत आहेत आणि त्यामागे पण एक मोठं कारण आहे, ते म्हणजे आरबीआयने अलीकडेच रेपो रेट मध्ये कपात केली आहे.
यामुळे आता अनेकजण एकतर शेअर मार्केट किंवा म्युच्युअल फंड कडे वळाले आहेत किंवा मग सुरक्षित गुंतवणुकीसाठी पोस्टाच्या योजनांमध्ये गुंतवणूक करताना दिसतात.
आपणही जर सुरक्षित गुंतवणुकीसाठी पोस्टाच्या बचत योजनांमध्ये गुंतवणूक करण्याच्या तयारीत असाल तर आज आम्ही तुम्हाला अशा एका योजनेची माहिती देणार आहोत ज्यामध्ये तुम्ही एकदा गुंतवणूक केली की तुम्हाला प्रत्येक महिन्याला पाच हजार पाचशे रुपयांची कमाई होणार आहे.
ही आहे पोस्टाची लोकप्रिय बचत योजना
पोस्ट ऑफिसची मंथली इनकम स्कीम म्हणजेच मासिक उत्पन्न योजना गुंतवणूकदारांमध्ये विशेष लोकप्रिय आहे. पोस्टाच्या आरडी, टीडी, किसान विकास पत्र अशा वेगवेगळ्या योजनेप्रमाणेच या योजनेची पण धमाल लोकप्रियता आहे.
पोस्टाच्या या सुरक्षित बचत योजनेत एकदा गुंतवणूक करावी लागते आणि त्यानंतर सदर गुंतवणुकीवर दर महिन्याला एक निश्चित व्याज मिळते. सध्या स्थितीला पोस्टाच्या मासिक उत्पन्न योजनेत गुंतवणूक करणाऱ्या गुंतवणूकदारांना 7.40% दराने परतावा दिला जात आहे.
या योजनेत सिंगल तसेच जॉइंट अकाउंट ओपन करण्याची सुविधा उपलब्ध करून देण्यात आली आहे. गुंतवणूकदारांना योजनेत किमान एक हजार रुपयांपासून गुंतवणूक करता येते आणि कमाल 9 ते 15 लाख रुपये गुंतवता येतात.
म्हणजे जे लोक सिंगल अकाउंट ओपन करतात त्यांना 9 लाख रुपये गुंतवता येतात आणि जॉइंट अकाउंट ओपन करणाऱ्या खातेधारकांना 15 लाखांपर्यंत गुंतवणूक करता येते.
आता तुम्ही जर तुमच्या परिवारातील सदस्यांसोबत जॉईंट अकाउंट ओपन करणार असाल तर लक्षात ठेवा जॉइंट अकाउंटमध्ये जास्तीत जास्त तीन लोक सामील होऊ शकतात. पोस्टाची ही योजना पाच वर्षांची आहे.
कसे मिळणार 5500 रुपयांचे व्याज
पोस्टाच्या या पंचवार्षिकी योजनेत सिंगल अकाउंट ओपन करून नऊ लाख रुपयांची गुंतवणूक केले तर तुम्हाला सध्याच्या व्याजदरानुसार म्हणजे 7.40% व्याजदरानुसार दर महिन्याला 5500 रुपयांचे व्याज मिळत राहणार आहे.
जर तुम्हाला नऊ लाखापेक्षा अधिकची गुंतवणूक करायची असेल तर तुम्ही तुमच्या परिवारातील सदस्या समवेत जॉइंट अकाउंट ओपन करून 15 लाख रुपयांपर्यंत गुंतवणूक करू शकता.
