Post Office : उत्कृष्ट परतावा आणि सुरक्षित गुंतवणुकीच्या दृष्टीने पोस्ट ऑफिस बचत योजना खूप लोकप्रिय होत आहेत. लहान मुलांपासून वृद्धांपर्यंत सर्वांसाठी अनेक बचत योजना येथे कार्यरत आहेत.
यापैकी एक विशेष योजना गुंतवणूकदारांना केवळ व्याजाद्वारेच लाखो कमावण्यास मदत करते. आम्ही सध्या पोस्ट ऑफिस टाइम डिपॉझिट स्कीमबद्दल बोलत आहोत, या पाच वर्षांच्या योजनेमध्ये तुमचे पैसे फक्त सुरक्षित राहत नाहीत तर, तुम्हाला परतावा देखील मजबूत मिळतो. या योजनेत सध्या 7.5 टक्के व्याज मिळते आहे.
पोस्ट ऑफिसद्वारे चालवल्या जाणाऱ्या छोट्या बचत योजनांपैकी ही योजना आता खूप लोकप्रिय ठरत आहेत. पोस्ट ऑफिस टाईम डिपॉझिट स्कीमबद्दल बोलायचे झाले तर, ते प्रचंड व्याज आणि उत्तम फायदे देखील देते.
मागील वर्षीच, 1 एप्रिल 2023 रोजी, पाच वर्षांच्या कालावधीसाठी या पोस्ट ऑफिस टाइम डिपॉझिट स्कीममध्ये उपलब्ध व्याजदर 7 टक्क्यांवरून 7.5 टक्के करण्यात आला होता. या व्याजदरासह, ही पोस्ट ऑफिस योजना सर्वोत्तम बचत योजनांपैकी एक आहे कारण हमी मिळकतीमुळे ती गुंतवणूकदारांमध्ये लोकप्रिय होत आहे.
गुंतवणूकदार पोस्ट ऑफिसच्या या बचत योजनेत वेगवेगळ्या कालावधीसाठी गुंतवणूक करू शकतात. या अंतर्गत 1 वर्ष, 2 वर्ष, 3 वर्ष आणि 5 वर्षांसाठी पैसे जमा करता येतात. जर तुम्ही एका वर्षासाठी गुंतवणूक केली तर तुम्हाला 6.9 टक्के व्याज मिळेल, जर तुम्ही 2 किंवा 3 वर्षांसाठी पैसे गुंतवले तर तुम्हाला 7 टक्के व्याज मिळेल आणि जर तुम्ही 5 वर्षांसाठी पोस्ट ऑफिस टाइम डिपॉझिट स्कीममध्ये गुंतवणूक केली तर तुम्हाला 7.5 टक्के व्याज मिळेल. मात्र, ग्राहकाची गुंतवणूक दुप्पट होण्यासाठी पाच वर्षांपेक्षा जास्त कालावधी लागतो.
पोस्ट ऑफिस टाइम डिपॉझिटमध्ये गुंतवणूकदारांचे पैसे दुप्पट होण्याचा हिशोब पाहिल्यास, समजा एखाद्या ग्राहकाने 5 लाख रुपये पाच वर्षांसाठी गुंतवले आणि त्याला 7.5 टक्के दराने व्याज मिळते, तर या कालावधीत त्याला 2 लाख रुपये मिळतील. ठेवीवर वार्षिक 24,974 रुपये व्याज मिळेल आणि गुंतवणूकीच्या रकमेसह एकूण परिपक्वता रक्कम 7,24,974 रुपये मिळेल. म्हणजे त्यात गुंतवणूक करून तुम्हाला लाखो रुपयांचे हमखास उत्पन्न मिळू शकते.
टाईम डिपॉझिट स्कीममध्ये, ग्राहकाला आयकर विभाग कायदा 1961 च्या कलम 80C अंतर्गत कर सवलतीचा लाभ देखील दिला जातो. या बचत योजनेत एकल खाते किंवा संयुक्त खाते उघडता येते. 10 वर्षांपेक्षा जास्त वयाच्या मुलाचे खाते त्याच्या कुटुंबातील सदस्याद्वारे उघडता येते. यामध्ये किमान 1,000 रुपयांमध्ये खाते उघडता येते. ज्यामध्ये व्याजाचे पैसे वार्षिक आधारावर जोडले जातात.
