PPF Account : अनेकजण सार्वजनिक भविष्य निर्वाह निधीमध्ये म्हणजेच PPF मध्ये गुंतवणूक करतात. कारण यातील गुंतवणूक पूर्णपणे सुरक्षित आहे. या योजनेच्या गुंतवणुकीवर चांगला परतावा मिळतो. तसेच अनेकजण कर बचतीसाठी पीपीएफमध्ये गुंतवणूक करत असतात.
हे लक्षात घ्या की पीपीएफ दीर्घ मुदतीसाठी पैसे गुंतवता येऊ शकतात. तुम्ही पीपीएफमध्ये पैसे जमा न करता व्याज मिळवू शकता, विशेष म्हणजे अनेकांना याबद्दल माहिती नसल्याने त्याचा त्यांना लाभ घेता येत नाही. जाणून घेऊयात याबद्दल सविस्तर माहिती.
सध्या पीपीएफवर सरकारकडून 7.1 टक्क्यांचे व्याज देण्यात येत आहे. गुंतवणूक करण्यापूर्वी हे जाणून घ्या की सरकारच्या निर्देशानुसार PPF व्याज दर प्रत्येक तिमाहीत बदलू शकते. परंतु यात खूप कमी बदल दिसून येतो.
जाणून घ्या हे गुपित
आता तुम्हाला पीपीएफ योजनेत पैसे गुंतवून खूप चांगले व्याज मिळेल. हे कमाईचे खूप चांगले साधन असून त्यात एक विशेष बाब अशी आहे की या योजनेमध्ये मुदत संपल्यानंतरही पैसे जमा न करताही व्याज मिळते. अनेकांना याची माहिती नसते.
या योजनेचा कालावधी 15 वर्षांचा असून तो आणखी 5 वर्षांसाठी वाढवता येतो. एक म्हणजे या 5 वर्षातही पैसे जमा केले जावेत. पीपीएफ खाते वाढवले पाहिजे, मात्र आतापासून गुंतवणूकदारांनी त्यात पैसे जमा न करण्याचा पर्याय स्वीकारला पाहिजे. यात तुम्ही पैसे जमा न करताही पीपीएफ चालवत राहू शकता. तुमच्या पीपीएफमध्ये ठेवलेल्या पैशावर तुम्हाला दरवर्षी व्याज मिळते. जे पूर्णपणे करमुक्त असते.
पीपीएफ रिटर्न
समजा आता तुम्ही वयाच्या 25 व्या वर्षी पीपीएफमध्ये प्रत्येक महिन्याला एकूण 5000 रुपयांची गुंतवणूक करायला सुरुवात केली तर वार्षिक रक्कम 60,000 रुपये होईल. तर 7.1 टक्के व्याज दराने, तुम्हाला 15 वर्षांत 7,27,284 रुपये मिळतील. तुमची एकूण गुंतवणूक 9,00,000 रुपये इतकी होऊ शकते. तर मॅच्युरिटी रक्कम 16,27,284 रुपये इतकी असणार आहे.
तसेच तुम्ही ही 5,000 रुपये प्रति महिना गुंतवणूक 37 वर्षे सुरू ठेवली तर, तुम्हाला 83,27,232 रुपयांचा परतावा मिळू शकतो. एकूण गुंतवणूक 22,20,000 रुपयांची असणार आहे. तर मॅच्युरिटी रक्कम 1,05,47,232 रुपये इतकी असणार आहे.
