RDB Infrastucture Power Limited Share:- गेल्या काही वर्षांत भारतीय शेअर बाजारात मोठ्या प्रमाणावर तेजी पाहायला मिळाली असून अनेक गुंतवणूकदारांनी मल्टीबॅगर शेअर्सच्या माध्यमातून अविश्वसनीय परतावा कमावला आहे. यामध्ये RDB इन्फ्रास्ट्रक्चर पॉवर लिमिटेड हा एक प्रमुख शेअर ठरला आहे.
ज्याने अल्पावधीतच गुंतवणूकदारांना कोट्यधीश बनवले आहे. गेल्या पाच वर्षांत या कंपनीच्या शेअरने तब्बल 3100% परतावा दिला आहे. ज्यांनी केवळ 1 लाख रुपये गुंतवले होते त्यांची रक्कम आता 37 लाख रुपयांपर्यंत पोहोचली आहे.
मोठ्या परताव्यानंतरही कंपनी गुंतवणूकदारांसाठी आणखी एक मोठी संधी देत आहे. आता प्रत्येक शेअरधारकाला 1 शेअरच्या बदल्यात 10 नवीन बोनस शेअर्स दिले जाणार आहेत, ज्यामुळे स्टॉकच्या तरलतेत मोठी वाढ होईल.
कंपनीने दिले अपडेट
कंपनीने आपल्या एक्सचेंज फाइलिंगमध्ये अधिकृतपणे जाहीर केले आहे की, एका शेअरला 10 भागांमध्ये विभागण्याचा निर्णय घेण्यात आला आहे. याचा अर्थ असा की जर एखाद्या गुंतवणूकदाराकडे आधी 100 शेअर्स असतील तर आता त्याला 1000 शेअर्स मिळतील. हा शेअर सध्या 10 रुपयांच्या दर्शनी मूल्यासह उपलब्ध असून भविष्यात स्टॉक स्प्लिट झाल्यानंतर गुंतवणूकदारांना मोठ्या प्रमाणावर फायदा होण्याची शक्यता आहे.
गेल्या काही काळात RDB इन्फ्रास्ट्रक्चर पॉवर लिमिटेडच्या शेअर्सनी सतत तेजी दर्शवली आहे. गुरुवारी हा शेअर BSE वर 1% घसरून 550 रुपयांवर ट्रेड करत होता. मात्र गेल्या 52 आठवड्यांत त्याने मोठा वेग घेतला आहे. कंपनीच्या शेअरने 52 आठवड्यांचा उच्चांक 612.65 रुपये गाठला असून नीचांकी किंमत 103.20 रुपये आहे.
या वेगाने वाढणाऱ्या कंपनीचे सध्याचे मार्केट कॅप 927 कोटी रुपये आहे. मागील पाच वर्षांत या शेअरमध्ये गुंतवणूक करणाऱ्यांना 3100% परतावा मिळाला आहे. गेल्या एका वर्षात 274% वाढ झाली आहे तर गेल्या 6 महिन्यांत 103% वाढ दिसून आली आहे.
कंपनी कुठल्या क्षेत्रात काम करते?
RDB इन्फ्रास्ट्रक्चर पॉवर लिमिटेड ही एक आघाडीची रिअल इस्टेट आणि सौर ऊर्जा क्षेत्रात कार्यरत असलेली कंपनी आहे. 1981 मध्ये स्थापन झालेल्या या कंपनीने भारतभरात आपला ठसा उमटवला आहे.
हाय-राईज अपार्टमेंट्स, टाउनशिप्स, व्यावसायिक संकुलं आणि शॉपिंग मॉल्सच्या बांधकामात कंपनीने महत्त्वाची भूमिका बजावली आहे. सध्या नवी दिल्ली, मुंबई, हैदराबाद, जयपूर, जोधपूर, बिकानेर, सुरत, चेन्नई आणि गुवाहाटी या प्रमुख शहरांमध्ये कंपनीचा व्यवसाय झपाट्याने विस्तारत आहे.
काय आहे तज्ञांचे मत?
शेअर बाजारातील तज्ज्ञांच्या मते RDB इन्फ्रास्ट्रक्चर पॉवर लिमिटेडचा स्टॉक दीर्घ कालावधीसाठी फायदेशीर ठरू शकतो. आता स्टॉक स्प्लिटनंतर त्याच्या किंमतीत मोठी वाढ होण्याची शक्यता आहे.
गुंतवणूकदारांसाठी ही एक सुवर्णसंधी असू शकते. परंतु शेअर बाजारात गुंतवणूक करताना जोखीमही असते. त्यामुळे कोणताही निर्णय घेण्यापूर्वी आर्थिक सल्लागाराचा सल्ला घेणे आवश्यक आहे.
