Multibagger Stocks : भारतीय शेअर बाजार दररोज नवीन विक्रम करत आहे. आठवड्याच्या चौथ्या व्यवहाराच्या दिवशी गुरुवारी सेन्सेक्स 80 हजार अंकांच्या पुढे व्यवहार करताना दिसला तर निफ्टीनेही मोठी उसळी घेतली. या वातावरणात काही पेनी शेअर्सही रॉकेटसारखे वर येताना दिसत आहेत. असाच एक पेनी शेअर म्हणजे सन रिटेल लिमिटेड. गुरुवारी हा शेअर 10 टक्क्यांच्या वरच्या सर्किटवर लागला आहे.
गुरुवारी, सन रिटेलच्या शेअरची किंमत 91 पैशांच्या आधीच्या बंदच्या तुलनेत 10 टक्के वाढून 1 रुपये झाली. 10 जानेवारी 2024 रोजी शेअरची किंमत 1.14 रुपयांवर गेली. हा शेअरचा 52 आठवड्यांचा उच्चांक आहे. यानुसार, असे म्हणता येईल की स्टॉक 52 आठवड्यांच्या उच्चांकाच्या जवळ आहे. स्टॉकचा 52 आठवड्यांचा नीचांक 0.46 पैसे आहे. ही किंमत गेल्या वर्षी जुलै महिन्यात होती.
या कंपनीमध्ये प्रवर्तकांची कोणतीही भागीदारी नाही परंतु 100 टक्के भागीदारी सार्वजनिक भागधारकांकडे आहे. शेअरहोल्डिंग पॅटर्नबद्दल बोलताना, सार्वजनिक भागधारकांमध्ये रवींद्र गुप्ता, एन प्रभू, मोहन रमेश आणि खुशबू वनराज यांचा समावेश आहे.
सन 2021 मध्ये सन रिटेलमध्ये दोन मोठ्या कॉर्पोरेट कारवाया झाल्या. कंपनीने बोनस शेअर्स आणि स्प्लिट जाहीर केले. या अंतर्गत, बोनस शेअरची विक्री 3:5 च्या प्रमाणात होती. त्याच वेळी, 10:1 च्या प्रमाणात स्टॉक स्प्लिट घोषित केले गेले.
कपंनी काय व्यवसाय करते?
सन रिटेल लिमिटेड 2007 साली अस्तित्वात आली. ही एक कंपनी आहे जी कापूस बियाणे, शेंगदाणे आणि सूर्यफूल तेल यांसारख्या खाद्यतेलांचे ब्रँडिंग आणि व्यापार दोन्ही तसेच इतर कृषी आणि बिगर कृषी वस्तूंचे व्यवहार करते. कंपनी कमोडिटी ट्रेडिंग सेवा प्रदान करते. यासोबतच ते सोन्यासारख्या मौल्यवान धातूंचा सराफा व्यापारही करते.
