RVNL Share Price:- आज 13 ऑगस्ट 2024 वार बुधवारी मार्केटने परत पुन्हा भरारी घेतली व सकाळपासून मार्केट आज तेजीत असल्याचे दिसून येत आहे. या तेजीच्या वातावरणामध्ये मात्र काही कंपन्यांचे शेअर्स घसरले आहेत तर काही कंपन्यांचे शेअर्स मात्र वधाल्याचे दिसून येत आहे.सध्या बीएसई सेन्सेक्स 345.55 अंकांनी सध्या वधारल्याचे दिसून येत असून 80588.78 वर व्यवहार करत आहे व त्यासोबतच निफ्टी 50 देखील 144.36 अंकांनी वाढला असून 24631.40 वर व्यवहार करत आहे. त्यासोबतच महत्त्वाचे असलेले निफ्टी बँक या निर्देशांकामध्ये देखील 183.80 अंकांची वाढ झाली आहे व सध्या 55230.25 वर व्यवहार करत आहे. तर निफ्टी आयटीमध्ये देखील घसरणीनंतर आता 91.65 अंकांची वाढ दिसून येत आहे व सध्या 34762.65 वर व्यवहार करत आहे. परंतु यात मात्र रेल विकास निगम लिमिटेड म्हणजेच आरव्हीएनएलच्या शेअरने सकाळपासूनच निराशा केली असून सध्या 1.61% घसरणीसह 324.15 रुपयांवर ट्रेड करत आहे.
आरव्हीएनएलच्या शेअरची आजची स्थिती
आज जेव्हा मार्केटची ओपनिंग झाली तेव्हा आरव्हीएनएलच्या शेअरची ओपनिंग प्राईस 323 रुपये होती. परंतु नंतर त्यामध्ये थोडीशी वाढ दिसून आली व सध्या हा शेअर 324.15 रुपयांवर ट्रेड करत आहे व ही किंमत कालच्या बंद किमतीच्या म्हणजेच 329 रुपयाच्या तुलनेत कमी आहे.तसेच आतापर्यंतचा आजचा उच्चांक 334 रुपये आणि नीचांकी पातळी देखील 317 रुपये आहे. 52 आठवड्यांचा उच्चांक बघितला तर तो 620 रुपये इतका असून 52 आठवड्यांची नीचांकी पातळी 305 रुपये इतकी आहे.
आरव्हीएनएलच्या शेअरने गुंतवणूकदारांना दिलेला परतावा
आतापर्यंत आरव्हीएनएलच्या शेअरने गुंतवणूकदारांना दिलेला परतावा बघितला तर एक वर्ष कालावधी करिता केलेल्या गुंतवणुकीवर -43.94%, सहा महिने कालावधी करिता -13.13%, तीन महिन्याच्या गुंतवणुकीवर -10.18% आणि एक महिन्याच्या गुंतवणुकीवर -15.41% इतका परतावा दिलेला आहे.
