Saving Plan : सुरक्षित भविष्यासाठी गुंतवणूक करणे फार महत्वाचे आहे. जर तुम्ही आता पासूनच गुंतवणुकीला सुरुवात केली तर पुढील आयुष्य तुम्ही अगदी आरामात जगू शकाल. अशातच सध्या गुंतवणुकीचे अनेक पर्याय देखील उपलब्ध आहेत. अशातच देशातील सर्वात मोठी विमा कंपनी LIC देखील आपल्या ग्राहकांसाठी एकापेक्षा एक योजना आणते.
बचत ही प्रत्येकाच्या आयुष्यात महत्त्वाची असते. सामान्य माणसाला श्रीमंत होणे सोपे नाही. यासाठी पूर्वतयारी चांगली करावी लागते. यासाठी योग्य रणनीती देखील आवश्यक आहे. अशाच एका योजनेबद्दल आम्ही सांगणार आहोत, जी तिप्पट अधिक परतावा देते.
LIC ची ही योजना तुम्हाला बनवेल करोडपती
एलआयसी अनेक प्रकारच्या योजना चालवते. त्यापैकी एक रेग्युलर प्रीमियम युनिट लिंक्ड प्लान SIIP आहे. हे सुरक्षित परतावा आणि फायद्यांची हमी देखील प्रदान करते. जर तुम्ही बचत करून करोडपती बनण्याचा विचार करत असाल तर LIC चा SIIP हा एक चांगला पर्याय असू शकतो. या योजनेत 21 वर्षांसाठी प्रीमियम भरावा लागतो. मुदतपूर्तीनंतर, तुम्हाला रकमेच्या 3 पट परतावा मिळेल.
या योजनेअंतर्गत मासिक, सहामाही, त्रैमासिक आणि वार्षिक प्रीमियम भरण्याचा पर्याय उपलब्ध आहे. गुंतवणूकदार त्यांच्या इच्छेनुसार कोणताही पर्याय निवडू शकतात. यामध्ये वर्षाला ४० हजार रुपये जमा करावे लागतील. दर महिन्याला तुम्हाला 4000 रुपये गुंतवावे लागतील. या अंतर्गत 4,80,000 रुपयांचे विमा संरक्षण देखील उपलब्ध आहे. प्लॅनचा लाभ ऑनलाइन आणि ऑफलाइन दोन्ही पद्धतीने घेता येईल.
जर एखाद्या व्यक्तीने दर महिन्याला 4000 रुपये गुंतवले तर 21 वर्षात गुंतवणुकीची रक्कम 10,08,000 रुपये होईल. त्यानुसार दररोज 134 रुपयांची बचत करावी लागणार आहे. मॅच्युरिटी दरम्यान तुम्हाला ३५ लाख रुपये मिळतील, जे गुंतवणुकीपेक्षा तिप्पट असेल.
