SBI Share Price:- 1 ऑगस्ट 2025 चा दिवस हा शेअर मार्केटसाठी खूपच निराशाजनक असल्याचे दिसून येत आहे व यामुळे गुंतवणूकदारांचे मोठे नुकसान होण्याची शक्यता आहे. जर आपण सध्या बीएसई सेन्सेक्सची स्थिती बघितली तर त्यामध्ये 267.27 अंकांची घसरण झाली असून 80918.31 वर पोहोचला आहे.तर निफ्टी या प्रमुख निर्देशांकामध्ये देखील 101.40 अंकांची घसरण झाली असून सध्या 24666.95 वर पोहोचला आहे.
तसेच निफ्टी बँक, निफ्टी आयटी, निफ्टी स्मॉल कॅप आणि निफ्टी मिडकॅप यांच्यामध्ये देखील अनुक्रमे -0.20%,-1.32%,-078% आणि -0.62% घसरण दिसून येत आहे. या सगळ्या निराशाजनक घसरणीच्या वातावरणामध्ये मात्र देशातील महत्त्वाच्या असलेल्या स्टेट बँक ऑफ इंडियाचे शेअर्स मात्र वधारल्याचे चित्र आहे. सध्या कालच्या तुलनेमध्ये स्टेट बँक ऑफ इंडियाच्या शेअर्समध्ये 3.6 अंकांची वाढ झाल्याचे दिसून येत आहे.
स्टेट बँक ऑफ इंडियाचे शेअर्स वधारले
काल 31 जुलै 2025 रोजी जेव्हा मार्केट बंद झाले तेव्हा स्टेट बँक ऑफ इंडियाच्या शेअरची किंमत 797 रुपये होती. मात्र आज 1 ऑगस्ट 2025 रोजी जेव्हा मार्केट ओपन झाले तेव्हा या शेअरची ओपनिंग प्राईस 796 रुपये राहिली व त्यामध्ये वाढ होत हा शेअर सध्या 800.15 रुपयांवर ट्रेड करत आहे. म्हणजेच कालच्या बंद किमतीच्या तुलनेत या शेअरच्या किंमतीमध्ये साधारणपणे 0.45% ची वाढ झालेली आहे.
इतकेच नाहीतर स्टेट बँक ऑफ इंडियाच्या शहरची 52 आठवड्यातील कामगिरी पाहिली तर 52 आठवड्यामध्ये उच्चांकी पातळी ही 881 रुपये राहिली तर नीचांकी पातळी 680 रुपये इतकी राहिली. सध्या जर आपण स्टेट बँक ऑफ इंडियाचे मार्केट कॅप बघितले तर ते 738,588 कोटी रुपये इतकी आहे.
गेल्या एक वर्षात गुंतवणूकदारांना दिलेला परतावा किती?
कालावधीनिहाय केलेल्या गुंतवणुकीवर स्टेट बँक ऑफ इंडियाच्या शेअरने दिलेला परतावा जर बघितला तर एक वर्षाच्या गुंतवणुकीवर -8.26% परतावा दिला आहे म्हणजेच एक वर्षाच्या गुंतवणुकीवर काहीशी निराशा झाल्याचे पाहायला मिळते. सहा महिन्याच्या गुंतवणुकीवर +3.55%, तीन महिन्याच्या गुंतवणुकीवर +1.48% तर एक महिन्याच्या गुंतवणुकीवर -2.44% इतका परतावा दिलेला आहे. तसेच स्टेट बँक ऑफ इंडियाची शेअर होल्डिंग जर बघितले तर सर्वाधिक शेअर प्रमोटर्सकडे असून त्याची संख्या 55.5% पर्यंत आहे. त्या तुलनेत मात्र वैयक्तिक गुंतवणूकदारांकडे फक्त 6.23 टक्के इतके शेअर्स आहेत.
