SEBI Decision:- शेअर बाजार नियामक सेबीने नुकतीच चार स्टॉक ब्रोकर्सची नोंदणी प्रमाणपत्रे रद्द केली आहेत. या ब्रोकर्समध्ये सिंगल विंडो सिक्युरिटीज, सननेस कॅपिटल इंडिया, जीएसीएम टेक्नॉलॉजीज आणि इन्फोटेक पोर्टफोलिओचा समावेश आहे. सेबीने ही कारवाई २९ जानेवारी रोजी शेअर बाजार बंद झाल्यानंतर केली. याचे मुख्य कारण म्हणजे या ब्रोकर्सने नोंदणी प्रमाणपत्र मिळवण्यासाठी आवश्यक असलेल्या प्रक्रियेची पूर्तता केली नाही.
सेबीच्या आदेशांनुसार कारवाई
सेबीने चार वेगवेगळ्या आदेशांद्वारे या ब्रोकर्सला त्यांच्या नोंदणी प्रमाणपत्रांची रद्दीकरणाची माहिती दिली. या कारवाईचे प्रमुख कारण म्हणजे या कंपन्यांना मान्यताप्राप्त स्टॉक एक्सचेंजचे सदस्य न होणे आणि त्यांच्या सेबी नोंदणी प्रमाणपत्राचा गैरवापर रोखणे कारणे दिली आहेत.
सेबीने स्पष्ट केले की, “नोंदणी प्रमाणपत्र रद्द केल्यानंतरही, या कंपन्यांना स्टॉक ब्रोकर म्हणून केलेल्या कोणत्याही कृतीसाठी जबाबदार ठरवले जाईल. त्यांच्यावर सेबीची थकबाकी आणि व्याज चुकवण्याची जबाबदारी राहील.”
नोंदणी प्रमाणपत्र रद्द करण्याचे कारण
सेबीच्या आदेशानुसार, या कंपन्यांना नोंदणी प्रमाणपत्र देताना काही अटी दिल्या होत्या. त्यामध्ये मान्यताप्राप्त स्टॉक एक्सचेंजचे सदस्य होणे आवश्यक होते. मात्र या कंपन्यांनी त्या अटींची पूर्तता केली नाही आणि स्टॉक ब्रोकर नोंदणीच्या आवश्यकताही पूर्ण केल्या नाहीत. यामुळे सेबीने त्यांच्या नोंदणी प्रमाणपत्रांची रद्दीकरणाची कारवाई केली आहे.
नियमांचे पालन करत सेबीची कारवाई
सेबीने या स्टॉक ब्रोकर्सची नोंदणी प्रमाणपत्रे रद्द करतांना मध्यस्थ नियमावली २००८ मध्ये नमूद केलेल्या प्रक्रियेचे पालन केले आहे. यामुळे सेबीने या कंपन्यांवर योग्य कारवाई केली असून त्यांची नोंदणी प्रमाणपत्रे रद्द करण्यात आली आहेत.
