TCS Share Price:- आज 11 ऑगस्ट 2025 वार सोमवारी आयटी, ऑटोमोबाईल्स, तंत्रज्ञान तसेच बँकिंग क्षेत्रातील कंपन्यांचे शेअर्स चांगल्या प्रकारे वधारल्याचे दिसून आले. कारण आज शेअर मार्केटची सुरुवात थोड्याशा घसरणीने झाली आणि नंतर सातत्याने बीएसई सेन्सेक्स आणि निफ्टीमध्ये वाढ होताना दिसून येत आहे. सध्या जर आपण बीएसई सेन्सेक्स बघितला तर त्यामध्ये तब्बल 712.54 अंकांची वाढ झाली असून 80625.98 वर पोहोचला आहे.तर निफ्टी मध्ये 236.50 अंकांची वाढ दिसून येत आहे व निफ्टी 24597.10 वर पोहोचला आहे. या सगळ्या सकारात्मक वातावरणाचा परिणाम टाटा कन्सल्टन्सी सर्विसेस म्हणजेच टीसीएसच्या शेअरच्या किंमतींमध्ये देखील पाहायला मिळाला असून सध्या या शेअर्समध्ये 4.7 अंकांची वाढ झाल्याचे दिसून येत आहे.
11 ऑगस्ट 2025 ला कशी आहे टीसीएस शेअरची स्थिती?
आज सोमवारी मार्केट ओपन झाले तेव्हा या शेअरची किंमत कालच्या बंद किमतीच्या बरोबरीने म्हणजेच 3,036 रुपये होती. तसेच आजची नीचांकी किंमत 3021 रुपये तर उचांकी किंमत 3050 रुपये इतकी आहे.तसेच 52 आठवड्यांचा उच्चांक 4592 रुपये तर नीचांकी पातळी 2992 रुपये आहे. आज 11 ऑगस्ट 2025 रोजी सध्या हा शेअर 3,041.10 रुपयांवर ट्रेड करत असून त्यामध्ये 4.7 अंकांची वाढ दिसून येत आहे.
टीसीएसच्या शेअर्सने आतापर्यंत दिलेला परतावा
आजपर्यंत गुंतवणूकदारांना एक वर्षाच्या कालावधीपर्यंत दिलेला परतावा जर बघितला तर तो निराशाजनक असल्याचे दिसून येते. ज्या गुंतवणूकदारांनी एक वर्ष कालावधी करिता गुंतवणूक केली असेल त्यांना -28.06% परतावा दिला आहे. सहा महिन्याच्या गुंतवणुकीवर -24.64%, तीन आणि एक महिन्याच्या गुंतवणुकीवर अनुक्रमे -11.57% आणि -10.05% इतका परतावा दिला आहे.
