Tata Motors Share Price:- 11 ऑगस्ट 2025 वार सोमवार हा शेअर मार्केटसाठी अनुकूल दिवस ठरल्याचे आतापर्यंतच्या आकडेवारीवरून तरी दिसून येत आहे. आजची सुरुवात घसरणीसह जरी झाली तरी मात्र नंतरच्या कालावधीत बाजाराने जोरदार मुसंडी मारल्याचे दिसून येत आहे. सध्या बीएसई सेन्सेक्स 389.97 अंकांच्या वाढीसह 80247.76 वर पोहोचला आहे. तर निफ्टीमध्ये देखील चांगली वाढ होऊन निफ्टी सध्या 132.30 अंकांच्या वाढीसह 24495.60 वर पोहोचली आहे. या सगळ्या सकारात्मक परिस्थितीमध्ये टाटा मोटर्सच्या शेअरने देखील जोरदार मुसंडी घेत त्यामध्ये 20.3 अंकांची वाढ झाल्याचे दिसून येत आहे.
टाटा मोटर्सच्या शेअरची कामगिरी कशी राहिली?
आज आठवड्याचा पहिला दिवस म्हणजे सोमवार असून आज जेव्हा मार्केट सुरू झाले तेव्हा टाटा मोटर्सच्या शेअरची सुरुवातीची किंमत 636 रुपये होती. जी कालच्या बंद किमतीच्या म्हणजे 634 पेक्षा जास्त दिसून आली.सध्या हा शेअर्स 3.2% वाढीसह 654 रुपयांवर ट्रेड करत आहे. यामध्ये जवळपास 20.3 अंकांची वाढ दिसून येत आहे.आतापर्यंत मार्केटच्या परिस्थितीनुसार जर बघितले तर या शेअरची निचांकी पातळी 627 रुपये राहिली तर उच्चांकी पातळी 655 इतकी राहिल्याचे दिसून आले. त्यासोबतच 52 आठवड्यांची कामगिरी बघितली तर उचांकी पातळी 1142 रुपये तर नीचांकी पातळी 536 रुपये इतकी राहिली आहे.
टाटा मोटर्सच्या शेअर्सने गुंतवणूकदारांना दिलेल्या परतावा
टाटा मोटरच्या शेअर्सने आतापर्यंत वेगवेगळ्या कालावधीच्या गुंतवणुकीवर गुंतवणूकदारांना दिलेला परतावा पाहिला तर तो काहीसा निराशाजनक असल्याचे आकडेवारीवरून दिसून येते. ज्या गुंतवणूकदारांनी या शेअर्समध्ये एक वर्ष कालावधी करिता गुंतवणूक केली असेल त्यांना -38.77% इतका परतावा दिला आहे तर सहा महिन्याच्या गुंतवणुकीवर -6.03%, ज्या गुंतवणूकदारांनी तीन महिने गुंतवणूक केली तर त्यांना -7.69% परतावा दिला आहे.तर एक महिन्याच्या अल्प कालावधीसाठी ज्या गुंतवणूकदारांनी गुंतवणूक केली त्यांची देखील निराशा झाल्याचे आपल्याला दिसून येत असून त्यांना -5.98% इतका परतावा मिळाला आहे.
