UPI Payments : सध्या देशात रोखीचे व्यवहार कमी होत असून ऑनलाइन व्यवहारांकडे लोकांचा कल वाढत चालला आहे. 2023 मध्ये भारतात UPI पेमेंटची विक्रमी संख्या झाली. 2016 मध्ये UPI लाँच झाल्यापासून ऑनलाइन पेमेंटची संख्या झपाट्याने वाढू लागली आहे.
मोठ्या संख्येने लोक गुगल पे, फोन पे आणि पेटीएमचा वापर करत आहेत. देशात नवीन वर्षाच्या निमित्ताने यूपीआयचे नियमही बदलले आहेत. UPI वापरकर्त्यांसाठी नवीन नियम १ जानेवारीपासून लागू झाले आहेत.
नॅशनल पेमेंट कॉर्पोरेशन ऑफ इंडिया (NPCI) ने UPI वापरणाऱ्यांसाठी नवीन मार्गदर्शक तत्त्वे जारी केली आहेत. यानुसार, जर तुम्ही तुमच्या UPI खात्यातून एक वर्ष कोणताही व्यवहार केला नसेल, तर तुमचा UPI आयडी बंद होणार आहे. NPCI ने असे नंबर किंवा UPI आयडी निष्क्रिय करण्यास सांगितले आहे.
कोणत्या मर्यादेपर्यंत व्यवहार करू शकाल?
आता तुम्ही UPI द्वारे जास्त रकमेचे व्यवहार करू शकाल. आता तुम्ही एका दिवसात 1 लाख रुपयांचे व्यवहार करू शकता. 8 डिसेंबर 2023 रोजी आरबीआयने रुग्णालये आणि शैक्षणिक संस्थांसाठी व्यवहार मर्यादा 5 लाख रुपये केली आहे. याशिवाय, जर कोणी UPI व्यवहारांमध्ये 2,000 रुपयांपेक्षा जास्त प्रीपेड पेमेंट इन्स्ट्रुमेंट (PPI) वापरत असेल तर त्याला 1.1 टक्के इंटरचेंज फी भरावी लागेल.
फसवणूक टाळण्यासाठी महत्वाची पावले
फसवणूक रोखण्यासाठीही पावले उचलण्यात आली आहेत. आता कोणत्याही धारकाने नवीन वापरकर्त्याला २,००० रुपयांपेक्षा जास्त पैसे दिले तर त्याला ४ तासांची मुदत असेल. अशा स्थितीत तो २४ तासांत सहज तक्रार करू शकतो.
