Vodafone Idea Share Price:- आज सकाळपासून शेअर मार्केटची सुरुवात सकारात्मक झाली व काहीशा घसरणी नंतर परत सुधारणा झाल्याचे दिसून येत आहे. सध्या सेन्सेक्स 135.87 अंकांनी वाढून 80739.95 वर पोचला आहे तर निफ्टी मध्ये देखील 45 अंकांची वाढ झाली आहे व निफ्टी सध्या 24630.05 वर व्यवहार करत आहे. या सगळ्या परिस्थितीमध्ये मात्र वोडाफोन आयडियाच्या शेअरमध्ये घसरण झाल्याचे दिसून येत आहे. चला तर मग आपण या शेअरची सध्याची स्थिती काय आहे याबद्दल थोडक्यात माहिती बघू.
वोडाफोन आयडियाचा शेअर घसरला
आज 12 ऑगस्ट 2025 रोजी जेव्हा मार्केटची ओपनिंग झाली तेव्हा वोडाफोन आयडियाच्या शेअरची किंमत सात रुपये होती व या किमतीमध्ये आता घसरण झाल्याचे दिसून येत असून सध्या हा शेअर 6.56 रुपयांवर ट्रेड करत आहे व यामध्ये तब्बल 0.04 अंकांची घसरण दिसून येत आहे. तसेच या शेअरची कामगिरी बघितली तर बावन्न आठवड्यामध्ये देखील यामध्ये खूप काही सकारात्मक असे दिसून येत नाही. 52 आठवड्यांची उच्चांकी पातळी 17 रुपये आणि नीचांकी पातळी सहा रुपये इतकी राहिली आहे.
वोडाफोन आयडियाचा शेअर होल्डिंग पॅटर्न
वोडाफोन आयडिया या टेलिकॉम क्षेत्रातील कंपनीचा शेअर होल्डिंग पॅटर्न जर बघितला तर यामध्ये प्रमोटर्सकडे या कंपनीचे 25.57% शेअर्स आहेत तर म्युच्युअल फंड 3.88%, इन्शुरन्स कंपनी 0.23%, विदेशी गुंतवणूकदार म्हणजेच फॉरेन पोर्टफोलिओ इन्वेस्टर यांच्याकडे 5.98%, वैयक्तिक गुंतवणूकदारांकडे 12.78% तर इतरांकडे 51.56% इतके शेअर आहेत व ही आकडेवारी जून 2025 मधील आहे.
